Kookkaskenades en liefdesprobleme
JANUARIE
Ian gee vir Bridgette raad oor Mrs. J, Bianca doen ’n groot stap oor Stella, en Wade kry hulp met sy voorlegging, maar verander dit op die laaste nippertjie. Bianca wil baie meer tyd by Stella hê, maar Stefan is onseker of hy haar kan vertrou, en Danni loop vir Jenny in Suidooster raak, terwyl Wade en Justin die strate invaar.
FEBRUARIE
Mrs. J sit haar voet dwars, Chris klop om hulp aan by Ian, en Stefan worstel met Bianca se versoek oor Stella. Dis ’n hartseer dag in Ruiterbosch, Wade vra formeel Ian se toestemming om met die kookkompetisie voort te gaan, en Chris probeer sy lewe weer op koers kry ná die voorval met Jenny. Mrs. J sukkel en haar gesin is bekommerd oor haar, Mymoena is gereed vir Wade se kompetisie, en Carmen besluit sy wil ook deelneem.
Mrs. J weier om oor haar gevoelens te praat, die kompetisiedeelnemers probeer Wade se guns wen, Ian maak Chris ’n aanbod, en Michelle twyfel oor Stefan se verjaardagpartytjie. Mymoena en Carmen raak toenemend vyandig oor die kookkompetisie, Bridgette wil Mrs. J bederf, en Tim is onseker oor sy pa se betrokkenheid by SuidoosterEiendomme. Bridgette verras Mrs. J, Tim doen dieselfde met Danni, en die Samsodiens besef die kompetisie tussen Mymoena en Carmen kan tot groot huismoles lei. Mymoena en Carmen daag mekaar uit in die kookkompetisie, maar daar kan net een wenner wees. Zoe verloor ’n groot kontrak vir Suidooster-Eiendomme, maar dan maak iemand vir Ian ’n aanbod. Stefan is vasbeslote om Louis (Jeremiah Mentor), die straatkind wat hy onder sy vlerk geneem het, op te spoor, en Ian kry dit weer reg om almal by Suidooster-Eiendomme te verbaas.
MAART
Stefan en Michelle stamp koppe, Tim gee ’n aandjie saam met Danni prys wat tot spanning lei, en Mymoena se video’s vaar uitstekend, maar dit lei tot moeilikheid tussen haar en AB. Gloria (Linecia Matthee-Daniels), Louis se ma, wonder hoekom die Gerbers haar skielik stief behandel, AB trek aan die kortste ent met Mymoena se nuwe stokperdjie, en Tim speel met vuur. Danni is besorg oor Tim en Izette (Shana Mans), die nuwe werknemers by Suidooster-Eiendomme, se vriendskap. Mymoena gaan volstoom voort met haar Hallie-happies, en Justin gee vir Gloria ’n boks verlore goedere en sy vind iets skokkends daarin. Tim is in die kollig op die skemerkelkpartytjie, maar die aand het ’n onverwagte nadraai. Justin verskyn in Mymoena se nuwe kookvideo, en Gloria volg ’n nuwe leidraad op.