Verleiding en vernietiging
JANUARIE
Xolile moet superdiskreet wees wanneer sy agter Mthunzi se rug rondsluip en haar familie se hulp probeer kry wanneer haar man mishandelend en beheersugtig word. Mthunzi wil Xolile se opgewonde aankondiging glo, maar hy vermoed sy probeer hom manipuleer, en Lindiwe neem Phindile in haar vertroue oor die riskante stappe wat sy beoog om haar loopbaandrome waar te maak. En kry die arme Sihle (Xolani Xaba) jammer wanneer Gloria ’n verhoogma deluxe word!
FEBRUARIE
Die sterre in Lindiwe se oë kan haar blind maak vir die magtige, gevaarlike mans wat haar beskou as iemand wat hulle kan uitbuit, so dis ’n goeie ding dat sy die realistiese Mary by haar het. Wanneer nog ’n deur in Lindiwe se gesig toeklap, lyk dit of ’n venster oopgaan, maar dit kan ’n strik wees. Mary word op ’n date gevra, maar haar droomman het ’n nagmerriegeheim, en Lindiwe moet vuil baklei om te oorleef. Shannon (Matthew Potter) kom terug in Wesley en Ingrid se lewe, maar hy het hulp desperaat nodig, terwyl Grace, Lerumo en Layla almal liefde soek. Grace gee haar oor in Yvonne se hande vir ’n opwindende oormaaksessie, maar haar flirtasievermoëns is dalk verroes en ’n heer by die Newtonian dink ongelukkig haar pogings is op hom gemik.
MAART
Yvonne veroorsaak moeilikheid vir Grace se nuwe romanse, en Mary se ma, Phumla (Nomalanga Nkosi), is verpletter oor wat met haar dogter gebeur het. Lindiwe kan haarself op straat bevind ná Mlungisi Zinzile vertel het wat hul dogter aangevang het, en Mary se vriende veg om haar te red. Lerumo steek die grens as polisieman oor, Mthunzi is verheug oor Xolile se nuus wanneer sy terugkeer, en Chichi voel of sy in ’n strik getrap het ná sy besef haar ooreenkoms met Romeo het haar in ’n gevaarlike posisie geplaas.
Mthunzi is bereid om op te tree wanneer hy besef wie die doring in sy vlees is, en ’n slim jongman moet erken hy het ’n afperspoging verbrou. Ingrid neem ’n lewensveranderende besluit wat almal in trane het, Lindiwe reik uit om Mary te help, en Zinzile en Lindiwe kom nader aan mekaar wanneer Zinzile vertel van die verandering in haar eie lewe wat Lindiwe gehelp inspireer het. Mlungisi kerm by Ndu oor die vroue in sy lewe, en Quinton het goeie sake-advies, maar ’n vennootskap of twee beteken groot probleme, dwarsboming en vuil transaksies.