Forged In Fire: Knife Or Death
Seisoen 1 History Channel (*186) 21:10 Realiteit
Bill Goldberg is so dodelik soos die lemme wat in sy realiteitsreeks Forged In Fire: Knife Or Death (2018-nou) gebruik word. Hy het van 1990 tot 1995 Amerikaanse voetbal gespeel en is sedert 1997 ’n befaamde WWE- en WCW-stoeier. Die 52-jarige is egter van vreedsamer en nederiger oorsprong . . .
1 Sy pa Jed was ’n verloskundige voor sy dood in 2006, en sy beroepsviolis-ma Ethel is ’n bekroonde botanis wat orgideë kweek en in 2000 die Phalaenopsis Bill Goldberg- orgidee geskep het.
2 Hoewel hy dit nooit weggesteek het dat hy Joods is nie, sê Bill hy het eers onlangs besef hoeveel sy geloof beteken. “Sondagskool was ’n marteling vir my. Jy het geleer om uittreksels te memoriseer. Ek vind nou uit wie die religieuse ek is.”
3 Hy het ’n litteken van 10 cm bokant sy regterheup van ’n operasie nadat hy sy maagspiere van sy bekken losgeskeur het, ’n besering wat hom uit die NFL gedwing het.
4 Bill skerts hoewel hy net spiere (135 kg) en min verstand het, het hy ’n graad in sielkunde aan die Universiteit van Georgia verwerf terwyl hy Amerikaanse voetbal gespeel het.
5 Hy het stoei in 2004 gelos nadat WWE se skrywers nie sy storielyne wou verander nie. Bill sê hy het in 2016 na die kryt teruggekeer net omdat sy seun Gage (12) hom wou sien werk.
6 As hy nie saam met sy vrou Wanda tuis is in San Diego, Kalifornië, of aan reekse en films werk nie, bestuur Bill ’n gewigoptel- gimnasium en gevegsopleidingsentrum in San Diego.