STRYDENDE FAMILIES
As jy nou eers inskakel, moet jy hierdie name onthou:
Kgosi Rratladi Tladi (Sam Phillips)
Die Ooruil is die hoof van die Tladi-familie. Kgosi weet sy dae is getel en hou die jong bul Itumeleng dop om te sien of hy 'n waardige opvolger is in wie se hande sy mense veilig sal wees.
Itumeleng Tladi (Shona Ferguson) Die Buffel is charismaties en beskerm sy gemeenskap met 'n ystervuis. Die opvolger het geen twyfel oor die oorname van sy pa, Kgosi, se titel nie – hy het die selfvertroue van sy geboortereg en is sedert sy geboorte vir die pos voorberei.
Modise Tladi (Tumisho Masha)
Die Luiperd is Itumeleng se beginselvaste jonger broer wat dink hy het als uitgewerk. Hy het vir homself 'n lewe in die stad uitgekerf en is op die kruin in sy beroep en persoonlik, danksy 'n verleidelike meisie en suksesvolle advertensiemaatskappy. Marang Lebone (Connie Ferguson)
Die Leeuwyfie is die Lebone-familie se matriarg. Tragiese omstandighede het haar te vroeg in die rol gedwing van moeder en beskermer van haar twee jonger broers Tiro en Khumo maar die bande is verpletter. Kan sy die wonde genees, of gaan sy haar familie vir altyd verloor? Tiro Lebone (Putla Sehlapelo) Die Olifant is 'n miljoenêr wat sy fortuin deur SEB-
transaksies gemaak het. Maar geld kan nie alles koop nie – Tiro het geen liefdeslewe nie en hy skuld sy suster Marang wat alles vir hom opgeoffer het.
Khumo Lebone (Nat Ramabulana) Die Hiëna is 'n geslepe sakeman wat opkyk na sy broer Tiro as 'n steunpilaar en rolmodel. Hy het nie 'n probleem om mense in die rug te steek vir vooruitgang nie.
Tristan van Reenen (James Alexander)
Die Visarend is die hoof van bewaring van die wildoord. Hy's passievol oor sy werk en soos sy pa, Karel, wil hy die bosveld en die grond waarop Dinaledi gebou is, beskerm.
Kate van Reenen (Milan Murray)
Die Cheetah is rusteloos en wispelturig maar haar liefde vir Dinaledi kwyn. Sy het na die lodge getrek vir haar man, Tristan, se werk maar mettertyd neig sy ál meer na vernietiging. Amber van Reenen (Amber van Rensburg) Die Baba-vlakvark is Kate en Tristan se avontuurlustige dogter. Haar grootste probleem is dat haar ma wil hê sy moet eerder valletjiesrokke dra as om saam met diere rond te hardloop. (Tyrone
Jack van Reenen
Keogh)
The Wildehond is lodgebaas Itumeleng se getroue tweede-in-bevel en hoofveldwagter. Hy is 'n alfahond wie se byt net so erg soos sy blaf kan wees as Itumeleng hom loslaat.