Young Sheldon
Seisoen 2 M-Net (*101) 19:00 Komedie
Die moeilikste aspek van om ’n 10-jarige weergawe van Sheldon Cooper in die voorreeks Young Sheldon (2018nou) te speel is om nie na te aap wat die uitvoerende vervaardiger Jim Parsons gedoen het in sy rol in The Big Bang Theory (2007-nou) nie. Dit beteken nie die 10-jarige Iain Armitage het nie hulp van Jim gehad nie. So hoe het hulle ’n jong genie geskep?
1 Hoe, nie wat nie
Kykers ken die volwasse Sheldon, waarvan hy hou en nie hou nie. Iain het gefokus op hoekom Sheldon is soos hy is. “Hoekom hou hy van een strokiesprent, maar nie van ’n ander een nie? Ons het sy beginpunt gekry,” voeg Iain by.
2 Gedeelde bronne
Big Bang Theory en Young Sheldon is deur dieselfde man geskep – Chuck Lorre – en hulle deel ook skrywers. Jim sit by Iain wanneer die draaiboek gelees word, maar sê hy bied Iain insig en wenke wanneer hy vra “wat sou Sheldon doen”.
3 Feite nagaan
Sheldon se karakterbybel is groot genoeg om twee dik lêers te vul. ’n Kopie daarvan is in die skryfkantoor en een op stel. Jim sê dit maak dit “maklik om te verseker as Big Bang Sheldon sê iets het op 10 jaar gebeur, dan pas ons dit in die reeks aan”.
4 Die ware Jakob
Die wiskunde-, fisika- en wetenskapvaktaal wat die jonger Sheldon gebruik is eg. Die span het professors geraadpleeg om berekenings te kies wat geskik vir die reeks sou wees.
5 Leerkurwe
Verskil met Big Bang se Sheldon en jy’s verkeerd. In die voorreeks sal hy dit nog bespreek, soos Chuck sê “kan mens nog aansluiting by hom vind. Hy dink nie hy’s beter as almal om hom nie. Wel, darem nie op die vlak van die volwasse Sheldon nie.”