Van Lucia

Dit het soos ’n ewigheid gevoel, maar ons is uiteindelik weer op die rak. Ons is oorval met boodskappe van mense wat wou weet hoekom tvplus nie te koop is nie, waar hulle dit kan kry en wanneer dit weer beskikbaar sal wees. Dit gaan my soveel plesier verskaf om weer ’n tvplus in ’n winkel te sien. Maar as jy nuuskierig is oor alles wat jy misgeloop het in die vorige drie uitgawes wat net digitaal uitgegee is, kan jy gerus op Netwerk24 gaan loer. Vir net R99 kan jy al die tydskrifte en koerante in ons stal na hartelus lees. En tvplus is ook daar. Probeer dit en dalk is jy verbaas oor hoe maklik dit is om aanlyn te lees. Al is ons inperking nou tot vlak 4 verlig, het die korona-pandemie steeds ’n massiewe impak op programme. In Amerika is die verfilming van Bold en Y&R stopgesit (lees meer op bl. 32) en kykers daar sien nou net spesiale episodes, soos troues. Verfilming, plaaslik en internasionaal, sal geleidelik weer begin. Intussen, lekker lees en kyk!).