SABC2 Weekdae 18:00
h Weekdae SABC2 (*192) 12:30 h Weekdae SABC3 (*193) 10:30 o Sondae SABC2 08:30
VERLEDE KEER
DeWet het in Justin se persoonlike lewe belanggestel, Aggie het vir Vince ’n geheim weggesteek, en Kopano het Willem om raad gevra. Lesedi het Fikani tydens ’n moeilike tyd ondersteun, die Bassons het ’n onverwagte gas ontvang, Esti het Gabby raad oor verhoudings gegee en DeWet was in die moeilikheid.
20 – 22 MEI
Die Bruynwaves-span verloor ’n belangrike kontrak wat die besigheid kelder, André is ongemaklik met Mariaan se troetelnaam vir hom, en Ivy en Marvin is geskok wanneer ’n bekende gesig by die deur inloer. ’n Vriend is besorg oor Romeo, Marko vertel sy vriende van sy idee vir ’n geleentheid, en Vince, Justin en Bonita tree vinnig op wanneer hulle belangrike nuus ontvang.
25 – 29 MEI
Die jongklomp besef verleë hulle weet min van Afrika en sy geskiedenis, Fikani en Lesedi se aankoms by Stasie Ses veroorsaak ’n klein opskudding, en Ivy stel Vince gerus. DeWet het ’n romantiese afspraak, Willem oorreed Gabby om ’n geleentheid saam met hom by te woon, en Mariaan ontvang ’n ongewenste geskenk. Daar is geiserprobleme in Die Heights, DeWet beloon ’n barmhartige Samaritaan, en Lesedi gee Willem raad. André voer iets in die mou.
1 – 2 JUNIE
Daar is steeds probleme in Die Heights, Aggie en Vince verras Ivy en Marvin met ’n bedagsame geskenk, en André word met sy verlede gekonfronteer. Tjattas kom kuier vir Alexa.