kykNET Weekdae 18:00
Di.-Sa. kykNET (*144) 09:00 Weekdae kykNET 22:30 VERLEDE KEER
Blitz en Julia se huwelik was op die rotse ná Julia se operasie om enige verdere swangerskappe te voorkom, Liam en Candice het hul saamwoonooreenkoms geteken, en die liefdesdriehoek tussen Wynand, Chrissie en Anna het verdiep.
20 – 22 MEI
Simon raadpleeg Liam oor sy liefdeslewe, Ilse kyk of sy nog vir Bart om haar pinkie kan draai, en skuldgevoelens oor Wynand knaag aan Chrissie se gewete. Die Stryders is bekommerd oor hul toekoms, Mia werk op Bart se senuwees, en Blitz en Julia is onseker of hul huwelik gered kan word. Bart plaas Schalk se toekoms by die Stryders in gevaar.
25 – 29 MEI
Simon is ’n wrak oor sy afspraak met Lulu, Fafa en Schalk stamp steeds koppe, en Bart het ’n nuwe plan vir Fafa se loopbaan. Chrissie konfronteer Anna oor Wynand, Jana probeer Schalk in sy werkskrisis ondersteun, en Renate worstel met Simon wat aanbeweeg het. Anna voel skuldig nadat sy weer met Wynand gevry het, en Fafa wroeg oor die besluit om die nuwe pos te aanvaar. Johan vind uit van Blitz en Julia se egskeiding, en Mia is oortuig Ilse voer iets in die mou.
1 – 2 JUNIE
Die Stryders se nuwe hoofafrigter word aangekondig, Chrissie vind uit van Anna en Wynand, en Mia en Ilse baklei om Bart se aandag. Fafa se gewete ry hom oor sy nuwe pos, Lulu het slegte nuus vir Simon oor hul verhouding, en Reitz is agterdogtig oor Chrissie en Wynand.