DítKykOnsNou
Naam: Genevieve Terblanche
Pos: Senior skrywer en afgesonderde grotbewoner.
Hou van: Episodes wat 22 minute lank is. Dan sal ek sommer ses episodes ná mekaar kyk. Hou nie van: Luidrugtige ouens wat skree oor spierkrag wanneer hulle motors herstel nie, en dan wys hoe “vinnig die kar is”. Ek kyk nou: Farscape, seisoen 1-4 (1999-2003) op Amazon Prime Video.
My mening oor die reeks: Die enigste mens in hierdie reeks, John Crichton (Ben Browder) is die ruimtewese in hierdie verbeeldingryke en denkbeeldige reeks wat in ’n ruimteskip in ’n sterrestelsel baie ver weg afspeel. Maar anders as baie reekse wat tot vervelens toe ’n militêre man as die kernkarakter het, is Crichton ’n wetenskaplike wat hierdie nuwe wêreld met nuuskierigheid, vernuf en absurde humor benader. En die ontwerp van die nie-menslike wesens is inspirerend danksy die werk van die vermaakreus The Jim Henson Company, wat ook die poppespel gedoen het.
My gunsteling-oomblik: Die onwillige bondgenoot en soldaat Aeryn (Claudia Black) red Crichton van die tronk en marteling (seisoen 1, episode 20) en hy groet haar met: “Dit is die stralende Aeryn Sun,” in ’n perfekte emosionele oomblik.
Hoekom kyk ek dit nou? Ek het daarop afgekom toe ek na vampierreekse op Amazon gesoek het. Naam: Lucia Poolman Pos: Redakteur wat nie kan wag dat skole heropen nie.
Hou van: Enigiets wat goed gemaak is, of selfs swak vervaardigde programme met ’n goeie storielyn. Grieseligheid boei my steeds. Hou nie van: Iets wat te slim of ingewikkeld raak om te volg nie. Jammer, Westworld (2016nou) ná seisoen 1.
Ek kyk nou: Tiger King (2020) seisoen 1 op Netflix.
My mening oor die reeks: Hierdie dokkie is byna te grillig om werklik te wees. Dit gaan oor die handel in groot katte in die VSA (ek kon nie glo hoe enorm dit is nie, en my hart was stukkend om die diere in hokke te sien). Dan is daar veelwywery, swendelaars, sterftes, sabotasie, mededinging en als in sepieintrige, maar dis die regte lewe. Die slinkse Joe Exotic, die tropleier, het ’n vreemde charisma en sy teëstander, Carole, is net so kleurryk. Joe is op ’n sending om Carole te ontmasker as haar man se moordenaar en dat sy hom vir tiers gevoer het.
My gunsteling-oomblik: Die kamerawerk, wat later iemand met ’n geamputeerde arm wys. En hoe die voortdurende stryery en grootsheid oorgedra is.
Hoekom kyk ek dit nou? Dit het gou ’n soort kultus-verwysing in TV-resensies (soos in Friends, 1994-2004) en memes geword. As ’n TV-tydskrifredakteur kon ek dit nie weerstaan nie.
• Lees meer oor mal dokkies op ble.10 en 11. Naam: Elri Boucher Position: TV-versotte joernalis wat van gesigmaskers bykomstighede begin maak.
Hou van: Fantasie, sport, musiekreekse, dokkies en ook donker humor met ’n kinkel. Hou nie van: Lucifer (2016-nou) nie. Ek speel nie met die duiwel nie, #voertsek.
Ek kyk nou: Formula 1: Drive To Survive (2019-nou), seisoene 1-2 op Netflix.
My mening oor die reeks: Aanhangers van motorsport sal dol wees oor hierdie dokkie, wat jou intense en boeiende agterdie-skerm-toegang gee tot die ingewikkelde werking van Formule 1-wedrenne in die 2018en 2019-seisoen. In die eerste seisoen het die twee topspanne, Ferrari en Mercedes, die filmmakers afgejak, maar in die tweede seisoen het hulle saamgewerk. Wedrenlegendes, soos Sebastian Vettel en Lewis Hamilton, het reguit op kamera gepraat oor hul werk, die uitdagings en wedrenpolitiek.
My gunsteling-oomblik: In episode 10 van seisoen 2 kry Pierre Gasley, ’n Red Bull-jaer wat in episode 6 afgegradeer is na Red Bull se susterspan, Toro Rosso, sy vaardigheid terug toe hy die naaswenner in die Brasiliaanse Grand Prix was. Hoekom kyk ek dit nou? Ek mis sport op TV! Ek en manlief kyk gewoonlik gedurende die week Premierliga-voetbal en oor naweke enige sport. Maar weens Covid-19 is daar geen vars sportuitsendings nie.
Naam: Ipeleng Rakgantsho
Pos: Skrywer wat nie meer weet watter dag dit is nie.
Hou van: Troues van beroemdes! Kwistige en oordadige geleenthede in drie dele waartydens top-akteurs saamkuier. Ja, ek praat van die #SomHaleUnion.
Hou nie van: Eentonigheid nie. Soos die meeste van ons plaaslike sci-fi-reekse wat oor heksery handel. Waar is die ruimtewesens, goeie feë en robotte? Ek kyk nou: 90 Day Fiancé: Before The 90 Days (2017nou), seisoen 4, op TLC (*135) op Donderdae om 20:00 en ook op DStv Catch Up.
My mening oor die reeks: Die realiteitsreeks gaan oor Amerikaners wat hul buitelandse lewensmaats aanlyn ontmoet en dan die proses begin om hulle persoonlik te ontmoet. Benewens die kultuur- en taalverskille het hulle net drie maande om te besluit of hulle vir mekaar bedoel is. Baie van die paartjies is aanvanklik so begogeld en deur die liefde verblind dat hulle die gevaarligte ignoreer.
My gunsteling-oomblik: Die sluier oor Rosemarie (23) se oë is uiteindelik gelig en sy het Ed (54) gelos, want sy kon dit nie verdra om met iemand uit te gaan wat haar minag nie. Ek was so bly. Rose verdien beter.
Hoekom kyk ek dit nou? Ek kyk die reeks al van die begin af. As jy op ’n vliegtuig moet klim, oor oseane vlieg, huil en baie geld verloor om liefde te vind, is liefde dalk nie die moeite werd nie. Naam: Emile Butler-O’Brien Pos: Senior joernalis en sci-fi- fan. Hou van: Nuwe weergawes van reekse met ’n bietjie pret, goeie sci-fi-reekse en musiek-dokkies. Hou nie van: Stadige dramas wat vir ewig vat om by die punt uit te kom nie.
Ek kyk nou: Star Trek: Deep Space Nine seisoen 1-7 (19931999) op Netflix.
My mening oor die reeks: Baie jare gelede het die SAUK die klassieke sci-fi-reeks Star Trek (1966-1969) en al sy splinterreekse uitgesaai. Die een wat my aandag getrek het, was
Star Trek: Deep Space Nine. In teenstelling met die oorspronklike Enterprise-ruimteskip wat na afgeleë sterrestelsels gereis het, is Deep Space Nine ’n ruimtestasie wat net buite ’n deurgangspoort hang, en duisende vreemde en wonderlike ruimtespesies huisves wat in betreklike vrede saamleef.
My gunsteling-oomblik: Die wisselwerking tussen die ruimtewesens Odo (René Auberjonois) en Quark (Armin Shimerman). Odo is die ruimtestasie-konstabel en hy kan homself in enige voorwerp verander. Quark, die eienaar van ’n dobbelhuis, is ’n gulsige klein rakker. Hoekom kyk ek dit nou? Ek het YouTube-video’s oor die beste oomblikke in
Star Trek gekyk toe ek ’n skakel na Star Trek: Deep Space Nine op Netflix sien. Ek het dadelik die sewe seisoene op Netflix gekettingkyk.
Naam: Kashief Achmat
Pos: Skeduleerder en onbetwiste koning wat my 6-jarige nefie klop met (die rekenaar-gevegspeletjie) Tekken.
Hou van: Netflix se tienerreekse het onlangs my oog gevang. Ek dink die inperking het my siening oor ou akteurs in tienerrolle versag. Hou nie van: Akteurs wat aksente verfoes in flieks of TV-reekse nie. Dit voel beter om heeldag nat denim-jeans te dra as om na Daniel Radcliffe se Suid-Afrikaanse aksent in die biografiese drama Escape From Pretoria (2020) te luister.
Ek kyk nou: Die realiteitsreeks Dr Pimple Popper, seisoen 1, op TLC (*135), Maandae om 21:50.
My mening oor die reeks: Ek het ongelukkig ’n bak hawermout geloop en eet toe ek by die TV kom en die reeks uitgesaai word. Ek kon dit daarna vir ’n week lank nie eet nie. Dr. Sandra Lee bestuur ’n velkliniek waar sy mense met afskuwelike puisies, siste en ander grillerige velkwale help. Het ek amper flou geword terwyl ek na die reeks gekyk het? Ja. Moet sommige goed liewer aan die verbeelding oorgelaat word? Beslis. Is dit vermaaklike TV? Ook ’n ja. My gunsteling-oomblik: Enige episode waarin hulle ’n puisie uitdruk en dit met soveel krag op dr. Lee se beskermende masker spat. Hoekom kyk ek dit nou? As jy so lank ingeperk is, raak enigiets interessant. Naam: Tumi Kunene
Pos: Senior ontwerper wat dagdroom oor haar volgende heeldag-bikini-vakansie. Hou van: Komedie, drama, aksie, mediese realiteitsreekse. Hou nie van: Kletsprogramme nie, geen aanstoot nie Trevor Noah, maar joune ook nie . . . Ek kyk nou: Killing Eve (2018nou), seisoen 1, op FOX (*125), Woensdae om 20:45 en ook op DStv Catch Up. My mening oor die reeks: Hierdie spioenasieriller is soos ’n lekker burger en tjips met baie sous en ’n yskoue drankie ná ses weke se inperking. Die glansryke Villanelle (Jodie Comer) is ’n huurmoordenaar wat haar werk onder haar hanteerder Konstantin (Kim Bodnia) geniet. Daarteenoor is die slonsige Eve (Sandra Oh) ’n MI5kantoorklerk wat na meer aksie verlang. Wees versigtig waarvoor jy wens, jy kry dit dalk.
My gunsteling-oomblik: Toe
Eve haar man staan teen haar verwaande baas, al is die getuie wat onder Eve se beskerming was, in episode 1 deur Villanelle vermoor. En die openingstoneel van die reeks waarin Villanelle by ’n roomyswinkel is en by ’n jong meisie toenadering soek. Ons sien hoe jaloers sy is omdat sy die meisie nie kan laat glimlag soos die kelner kan nie. Dit vertel jou baie. Sy is heeltemal van haar trollie af. Hoekom kyk ek dit nou? Hierdie reeks het talle pryse in 20182019 verower. Maar die belangrikste is: “I like it when they talk foreign.”