Welgedaan, Nickelodeon
Is jy op soek na iets om die kleintjies mee te vermaak? Daar is iets vir almal – van kleuters tot tieners – op Showmax.
Wanneer dit kom by vermaak vir die kleinspan is daar so baie keuses, dis byna oorweldigend. Met die skoolvakansie om die draai is daar niks beter as die lys geanimeerde reekse op Nickelodeon om jou kinders te vermaak en op te voed nie, van vinnige strokiesprente tot halfuurlange programme vir amper-tieners. En dis alles op een plek beskikbaar: die stroomplatform Showmax.
DORA THE EXPLORER SEISOEN 1-6 (2000-2019)
Die tekenprentwêreld se bekendste argeoloog en verkenner het groot trefkrag wanneer sy op die een avontuur ná die ander gaan. Dora en haar vriend die apie Boots besoek plekke reg oor die wêreld met ware argeologiese terreine, soos die Groot Piramide van Giza in Egipte en Machu Pichu in Peru om te kan leer. Hulle kom ook teen mededingers te staan wat wil keer dat hulle hul bestemming bereik, en hulle leer die geskiedenis op hul reise. Wees op die uitkyk vir ’n aaklige trol wat onder die brug skuil – Dora gaan haar breinkrag moet gebruik indien sy sy raaisels wil oplos en sy en Boots hul verkenningstog wil voortsit.
BUTTERBEAN’S CAFÉ SEISOEN 1 (2018-NOU)
Butterbean die feetjie hou van kolwyntjies. Daar is nêrens anders ’n beter plek om versierde eetgoed voor te sit as in haar kafee in haar towerwêreld Puddlebrook nie. Sy kry daagliks besoekers, insluitende hasies en eekhorinkies van geen spesifieke geslag nie en hulle leer om in vrede en harmonie saam te lewe.
TOP WING
SEISOEN 1 (2017-NOU)
Die voëlbesties Brody, Penny, Rod en
Swift lewe op Big Swirl Island en hulle is die nuutste rekrute by Top Wing Academy. Hul werk as kadette is om die lug te patrolleer, die gemeenskap te waarsku en te beskerm teen bedreigings, en reddingsendings uit te voer wanneer benodig. En wat sou ’n oulike animasie soos dié wees sonder ’n belangrike les vir kleintjies?
JOJO D.R.E.A.M. CONCERT MOVIE (2019)
Die tienerpopster JoJo Siwa gaan op haar D.R.E.A.M.-musiektoer en neem jou saam. Agter en op die verhoog, agter die skerms, regstreeks tydens die musiekoptredes – staan gereed om saam te sing, dans en pret te hê in die gemak van jou sitkamer. Jou ampertieners sal dol wees oor die liedjies waarop jy jou kop kan skud, die interessante insetsels en om saam met die TV-popster JoJo om die wêreld te reis.
SPONGEBOB SQUAREPANTS SEISOEN 1-11 (1999-NOU)
“Who lives in a pineapple under the sea? Absorbent and yellow and porous is he? If nautical nonsense be something you wish? Then drop on the deck and flop like a fish!” Jy gaan dié liedjie baie hoor wanneer jou kleuter die hele versameling van SpongeBob SquarePants stroom, plus die aksieflieks The SpongeBob SquarePants Movie (2004, Neptunus se kroon is gesteel en net SpongeBob kan dit vind) en The SpongeBob Movie: Sponge Out Of Water (2015, SpongeBob beskerm die geheime Krabby Patty-resep).