Korea op TV
Raak jy ook verlief op die vlaag Koreaanse programme op ons skerms? Nou kan jy hulle ook op Showmax stroom met gatskopkykstof uit Korea.
Korea is dalk nie die eerste ding waaraan jy dink wanneer jy “wêreld-TV- gier” hoor nie, maar dié klein Asiatiese land het ’n aanhang reg oor die wêreld wat na sy produksies smag. Of dit ’n fantastiese TV-reeks is oor ’n god wat op ’n mens verlief raak, of ’n fliek oor ’n hebsugige familie, Koreaanse programme is smaakvol. En nou kan jy hulle op Showmax stroom.
PARASITE (2019)
Dié donker komedie het die 92ste Jaarlikse Academy Award vir die beste fliek, beste regisseur, beste oorspronklike draaiboek en die beste internasionale vollengtefliek (wenner van die eerste nie-Engelse beste fliek) gewen en vertel van ’n arm swendelaargesin wat toegewyde parasiete is. Die Kims bly in ’n kelderverdieping – dis al wat hulle as pizzaboksvouers kan bekostig – wanneer hulle die Parks ontmoet, ’n ryk maar oningeligte familie wat nie rêrig skerp is nie. Die Parks word mislei om ’n vriend van die Kims te huur wat voorgee om ’n Engels-onderwyser te wees en hulle betaal hom ’n fortuin.
Die Kims kan sien hoe hul geluk voor hul oë verander, en die hele Kim- gesin spring op die wa en kul, fop en manipuleer hul pad tot in die Parks se huis met vals kwalifikasies, vals geloofsbriewe en vals verwysings wat nie opgevolg word nie. Voor hulle besef, is hulle net so sleg soos die Parks. Wanneer die Parks gaan kamp, neem die Kims oor en leef soos die rykes en beroemdes, en gee voor die Parkherehuis is hul eie. Daar is een probleem: Een van die Parks het iets by die huis vergeet en betrap die Kims wat letterlik in hul klere rondpronk . . .
• Daar gaan twee opvolgflieks en ’n televisiereeks vir dié fliek wees.