HUISGENOOT: WARE LEWENSDRAMAS
Daar’s reeds 7 seisoene agter die rug en dit voel steeds soos net die oortjies van die seekoei. SA se oudste en gewildste tydskrif, Huisgenoot, kyk terug na ’n paar van sy grootste stories oor sy bestaan van 105 jaar. Joernaliste wat die verhale gedek het verduidelik nie net die skryfproses van hul artikels nie, maar ook die gebeure en stories wat die lesers nie noodwendig ken nie. Die misdaaden moordsake is die spil waarom die dokkiereeks draai. Soos die sage van Leigh Mat
thews, wat in 2004 by die universiteit ontvoer en vermoor is in ’n gyselaarsituasie wat skeefgeloop het. Terwyl Jan Alleman die algemene aspekte ken, soos dat Leigh in ’n kar se kattebak geplaas en vervoer is van Sandton na
Walkerville in die suide van Johannesburg voor haar moordenaar, Donovan Moodley, ná ’n intensiewe ondersoek gearresteer is, help onderhoude met die skrywers kykers om te verstaan wat regtig gebeur het.
Yvonne Beyers, die redakteur van Huisgenoot, sê: “Dis ’n ander ervaring om die rolspelers in elke storie op die kassie te sien as om oor hulle te lees. Ons kyk ook na die polisiebeamptes en joernaliste, wat agter die skerms van groot stories gewoeker het, en na die gebeure agter die gebeure, en dit sorg vir boeiende kykstof.”