KRIMINELE MEESTERBREIN
Die enkelseisoen- dokkiereeks van 13 episodes sluit in onderhoude met die hoofdeelnemers aan bekende SuidAfrikaanse moordsages wat die volk aangegryp het, vanaf hul grusame begin wat hoofopskrifte gehaal het, tot die soms suksesvolle eindes met die moordenaars wat gearresteer is en in die tronk beland. Dis geskep deur die befaamde produksiemaatskappy Clive Morris Productions (hulle vervaardig die sepie The
Estate, lees meer op bl. 37). Die episodes sluit in dramatiserings van moorde, van die moord op die akteurs Brett Goldin en Richard Bloom, tot dié van die bekroonde musikant Taliep Petersen en die student Leigh Matthews (sien langsaan).
Die polisie het hul sakelêers beskikbaar gestel en bystand verleen om geloofwaardigheid aan die reeks te gee, en onthul inligting wat nooit openbaar gemaak is tydens die ondersoeke en die daaropvolgende hofsake nie. Die familielede van die slagoffers het ook aan die program deelgeneem, wat die vervaardiger Kelly Daykin en regisseur Sharon Black erken was moeilik vir die families en die produksiespanne. “Ons het hulle gevra om terug te keer na herinneringe wat hulle elke dag probeer vergeet. Ons word deur hul pyn en lyding, wat tydens die onderhoude na vore kom, geteister,” sê Kelly. Sharon voeg by: “Die waarheid van die reeks sou hol geklink het sonder hul stories, dus het ons die hulp van ’n traumaberader vir die familielede aangestel. Ons hart het gebreek tydens die verfilming, want ’n mens kon sien hulle klou steeds vas aan hul verlore familielede jare nadat hulle so tragies vermoor is.”