21 Day Body Turnaround
Seisoen 1 BBC Earth (*184) 19:00 Realiteit
Die wêreldpandemie het soveel van so baie mense geëis, en een van die dinge wat dit uit mense se lewe geruk het, is fiksheid. Die dokter en aanbieder Michael Mosley stel indien uwe realiteit s dokkie reeks 21 Day Body Turnaround (2021) ’n gesondheid s uitdaging op vir vyf gewone mense van verskillende ouderdomme en groottes om hul gesondheid binne drie weke te verbeter. “’n Opname toon mense het bykans 5 kg gewig opgetel tydens die eerste vyf maande van die grendeltyd. Dit klink skrikwekkend, maar ek glo dit kan maklik omgekeer word,” sê Michael. “Jy kan jou fiksheidsvlak in ’n verstommend kort tydperk opknap, selfs al is jy ’n sofapokkel.”
Die 64-jarige Britse dokter, wat in Kolkata, Indië, gebore is, en sy span kenners het ’n spesiale gesondheidsplan ontwikkel van afwisselende vastye saam met gereelde oefening. “Ons plaas die deelnemers op gespesialiseerde oefenplanne, maar niks is te moeilik nie – die intense, koue swemsessies is dalk ’n bietjie ongemaklik, maar jy raak gewoond daaraan,” vertel Michael, en voeg by hul eetgewoontes word ook aangepas. “Ons kyk na wat hulle eet en hoe ons daardie dieet kan aanpas om ook die kykers tuis te bevoordeel.”
Een van die belangrikste aspekte is egter die deelnemers se volharding. “Hulle moet verstaan hulle kan dit doen indien hulle wil. Onaktiwiteit gaan nie die kilo’s laat wegsmelt nie. Hulle moet elke dag voortgaan en gelukkig kan die mense wat ons gekies het, dit doen,” sê Michael.