American Detective With Lt. Joe Kenda
Seisoen 1 ID (*171) 21:00 Ware misdaad
Skurke in Amerika ken die naam Joe Kenda alte goed. Kykers het hom in die dokkiereeks Homicide Hunter: Lt. Joe Kenda ontmoet, en hy’s terug met sy nuwe reeks, American Detective With Lt. Joe Kenda, waarin die afgetrede speurluitenant sy 23 jaar se ervaring benut om kykers minderbekende sake te bied wat speurders tot in hul wese geruk het. “Elke episode fokus op ’n ander speurder se soektog na moordenaars en hoe hulle uiteindelik voor die reg gedaag is,” sê Joe. “Die sake word gedramatiseer en aangevul met argiefonderhoude vir eksklusiewe insig.”
Joe het nog nie sy TV-ster-roem 1 verwerk nie. “Dis absoluut bisar. Ek het dit glad nie verwag nie, en tot vandag word ek steeds daardeur verras. Dis ’n geval van ‘Ekskuus, jy wil my handtekening hê? Hoekom?’” beken hy. Gedurende sy tyd as ’n moord2 speurder het Joe en sy span 356 van sy 387 sake opgelos, wat ’n sukseskoers van 92% is.
Die 75-jarige oud-speurder het by3 na in die politiek beland – hy het in 1967 ’n B. A.- graad in staatsleer aan die Universiteit van Pittsburgh verwerf en in 1970 ’n M.A.- graad in internasionale politiek aan die Ohio-universiteit. Joe het in 1996 afgetree nadat ’n 4 pedofiel in-aanhouding sy slagoffers geblameer het. “Ek kon dit nie glo nie. Dit was walglik. Ek het van die ondervragingskantoor na my lessenaar gegaan en my bedanking uitgetik,” vertel hy. Joe was daarna ’n busbestuurder vir kinders met spesiale behoeftes.
Joe het nie draaiboeke vir sy reeks 5 nie, en sê: “Ek het dié sake geleef. Ek weet wat ek verduidelik.”