Ure se kykgenot
Showmax het al jou gunsteling-boksstelle om te kettingkyk.
Hoekom moet jy wag om elke week ’n nuwe episode van jou gunsteling-reeks te kyk wanneer jy eenvoudig volledige seisoene en selfs boksstelle kan kettingkyk? Dit maak nie saak wat jou kyksmaak is nie, daar is baie op Showmax vir almal om te kyk!
CHASING THE SUN
Sportbiografie. Ses episodes. Een Wêreldbekertrofee. Kyk hoe die Springbokke hul reis verken vanaf die jaar voor die Wêreldbekerrugby in 2019, toe hulle afgeskryf is nadat hulle sleg verloor het, tot hul sege as Wêreldkampioene. Skerp, diep, roerend en nie net vir rugbygeesdriftiges nie.
4 MURE
Dié paranormale program is soortgelyk aan die reeks Room 104 en speel af in ’n vervalle motelletjie wat ’n paar geheime versteek. Die sentrale figuur is die nuuskierige huishoudster wat alles doen, van gaste ontvang tot kamerdiens en die kombuis.
Kyk ook die plaaslike paranormale polisiereeks Die Spreeus.
• BLACK MONDAY
’n Donker komediereeks wat afspeel in die wêreld van die 1980’s se Wall Street, wanneer die aandelemakelaar Maurice Monroe (Don Cheadle) en sy kantoorbesties in groter weelde leef as wat jy kan glo. Oorvloedige hoeveelhede dwelms word gebruik om die breine te help werk, daar is baie rugstekery, en die helder modes sal jou oë laat traan.
ENSLAVED
Samuel L. Jackson pak die verhaal van slawehandel met ’n nuwe perspektief in dié dokkiereeks – die ervarings van die mense wat gesterf het. Hy ondersoek die bedryf, vanaf die kus van Afrika, oor die oseane, tot in Amerika . . . en tragies tot op die seebodem waarheen derduisende slawe gestuur is om te sterf.
• Kyk ook die biografiese fliek Harriet.
FILTHY RICH
Komediereeks. ’n Gesin wat hul fortuin met hul Christelike TV-kanaal en televangelisme gemaak het, stort in duie wanneer hul sakeman-patriarg sterf toe ’n vliegtuig neerstort en dit nie ’n ongeluk is nie.
• Kyk ook die televangelisme-parodiekomediereeks The Righteous Gemstones.
GAME OF THRONES
In dié epiese fantasiereeks, gegrond op die Fire & Ice-romans, woed die stryd om die Iron Throne reg oor die sewe Middeleeuagtige koninkryke. Jy kan niemand vertrou nie. Die geweld is grafies. Die drake is monsteragtig. En moet nooit ’n gunsteling-karakter kies nie: Baie mense sterf in elke episode. • Kyk ook die epiese Noorse dramareeks Vikings.
LOVECRAFT COUNTRY
In dié sci-fi-dramareeks reis ’n swart man in die 1950’s reg oor ’n rassistiese Amerika op soek na sy vermiste pa, en ontdek ruimtewesens is nie die grootste vyand wat hy in die lewe gaan teëkom nie.
• Kyk ook die minireeks The Plot Against America.
POWER
Eerlike eienaar van ’n nagklub bedags en dwelmbaas saans, wil James St. Patrick in dié misdaadreeks wetsgehoorsaam word. Maar dis nie so maklik nie. Kyk uit vir die kletsrymers Method Man en die reeks se uitvoerende vervaardiger, 50 Cent.
• Kyk ook die opvolgreeks Power
Book II: Ghost.
RAISED BY WOLVES (2020)
Dié sci-fi-reeks is in Kaapstad verfilm (wat soos ’n verlate ruimtewêreld lyk), en vertel van twee androïede wat geprogrammeer is om kinders groot te maak nadat die mensewêreld deur oorlog verwoes is.
• Kyk ook die reeks War Of The Worlds. • Kyk ook die reeks His Dark Materials.
SUCCESSION
Brian Cox is op sy neerhalende beste as Logan Roy in dié dramareeks oor ’n mediamagnaat wat gemeen is teenoor sy kinders. Ná ’n beroerte besef Logan nie een van sy kinders is bevoeg om hom as HUB op te volg nie – en hy is nie bang om hulle dit te vertel nie.
• Kyk ook die plaaslike M-Net-sepie Legacy (lees meer op bl. 25).
• Kyk ook die reeks Billions.
THE COMEY RULE
Dié biografiese minidramareeks speel af in die aanloop tot die Amerikaanse presidensiële verkiesing in 2016, en word vertel uit die oogpunt van die FBI-direkteur James Comey wat gemanipuleer en deur die kandidaat Donald Trump gebruik is om hom in die Withuis te kry. Jeff Daniels verskaf ’n eerlikheid aan die verhaal, terwyl Brendan Gleeson so goed is as Donald Trump jy sal sweer hulle het die ware ou in die program. • Kyk ook die politieke biografiese dramareeks The Loudest Voice met die onherkenbare Russell Crowe as hoofspeler.
THE ROOKIE (2018)
Nathan Fillion is geniaal as beampte Nolan, die oudste rekruut nóg in die LAPD se geskiedenis, in dié aksiepolisiekomediereeks. Sy middeljarekrisis laat hom na die sin van die lewe soek, een arrestasie op ’n slag, om te bewys hy kan.
• Kyk ook die polisiemaat-komediereeks Brooklyn Nine-Nine.
THE UNDOING
’n Terapeut se lewe verbrokkel in dié misdaadrilreeks wanneer haar man betrek word by die moord op ’n vrou wat beweer het hy is ontrou. Alles wat sy ken, stort gou in duie, soos in ’n nagmerrie, wanneer die een leuen ná die ander onthul word. Die vonk tussen die hoofspelers Nicole Kidman en Hugh Grant is moeiteloos, maar dit gaan jou ontstel.
• Kyk ook die misdaadreeks The Bay.
TIGER
Eldrick Tont Woods is stellig die wêreld se beste gholfspeler tot dusver, maar Tiger se opgang tot roem is ontsier deur omstredenheid in sy persoonlike lewe, soos ontrouheid en alkoholmisbruik. Dié dokkie van twee episodes is ’n intieme verkenning wat onthul presies hoe min jy van Tiger Woods weet.