Soeke na geregtigheid
Selfs die wêreld se koelbloedigste moordenaars kan nie vir ewig vlug of wegkruip nie, soos dié reekse op CBS Justice (*170) wys. Geregtigheid kán geskied, al is dit dekades later.
Een ding waarvan reeksmoordenaars seker is, is hulle kan wel in ’n oogwink vasgetrek word. Soos dié nuwe en terugkerende programme op CBS Justice (*170) wys, beteken die vooruitgang in forensiese tegnologie en die vaardighede van toegewyde, hoogs opgeleide polisiebeamptes ’n klein misstap kan lei tot die arrestasie van die glibberigste moordenaars.
DESCENT OF A SERIAL KILLER S1
Dié nuwe reeks kyk na die profiel van reeksmoordenaars, vanaf hul kinderjare tot die tyd wat hulle volslae moordenaars geword het. Die voormalige FBI-agent en sielkundige kriminoloog en kenner van profilering dr. Bryanna Fox is die aanbieder van die reeks en gee insig in die eienskappe van dié moordenaars. Die ou vraag ontstaan: Is hulle gebore om sleg te wees, of het iets gebeur wat hulle op die misdaadpad geplaas het? Van die moordenaars in die kalklig sluit in Gerard Schaefer, wat ’n polisieman was, Danny Rolling bekend as The Gainsville Ripper, en Robert (Bobby) Joe Long, wat sowat 10 vroue in 8 maande vermoor het.
• Sondae vanaf 3 Julie om 20:00.
BLOODLINE DETECTIVES S2
Die regskommentator, voormalige aanklaer en TV-joernalis Nancy Grace keer terug vir ’n tweede seisoen van dié boeiende reeks wat sake ondersoek wat opgelos is danksy oorerflike DNS – ’n proses waarin die DNS van familielede gebruik word om misdadigers op te spoor. Die reeks sluit in onderhoude met sleutelgetuies en forensiese kenners wat verduidelik hoe suksesvol die jongste tegnologie geword het om ou misdade op te los. Dramatiese rekonstruksie van die misdade en argiefmateriaal toon hoe ’n geslagsregister die beste nuwe manier is om bewyse te kry en misdadigers op te sluit.
• Weekdae vanaf Maandag 4 Julie om 19:00.
SNAPPED: KILLER COUPLES S13
Niemand weet wat gebeur in iemand anders se verhouding nie, niemand verstaan die beloftes wat gemaak word en die verklarings wat afgelê word in die naam van liefde nie. Dis vreemd wat mense vir mekaar sal doen weens manipulasie, afpersing, geweld, dwang of uit domheid.
Dié jarelange reeks keer terug met selfs meer paar tjies wat mekaar aangespoor het om misdade te pleeg, insluitende moord: Van tieners wat hul ouers vermoor, ’n eks-eggenoot wat die ondergang van die ander een beplan, tot affairs wat dodelik raak.
Dié paar tjies het dwaaslik geglo die liefde sal alles oorwin.