Safta-sterre BRIDGETTE JACOBS: GESPEEL DEUR DENISE NEWMAN
Skink die vonkelwyn, want een van SA se gunsteling-sepies, Suidooster, het 10 Safta-benoemings losgeslaan!
"Ovir toekennings, soos die Saftas (South African Film & Television Awards), benoem te word, is ’n eer en voorreg vir almal by Suidooster,” sê die medevervaardiger van Suidooster Films, Bradley Joshua.
“Vir ons as ’n produksie, is dit eerstens belangrik dat Ruiterbosch (die fiktiewe woonbuurt waar Suidooster afspeel) ’n tuiste is vir al ons kykers, en dat hulle die karakters en stories hul eie kan maak. Ons het van die eerste dag af besef sepies is ’n vermaak-genre wat elke dag ’n aktiewe deel van kykers se werklikheid word. Dís hoekom Suidooster vir byna sewe jaar al probeer om geloofwaardige stories te vertel wat nie net ’n voorbeeld van diversiteit is nie, maar wat ook verdraagsaamheid aanmoedig.”
Veteraanakteurs soos Denise Newman (Bridgette Jacobs), Cedwyn Joel (AB Samsodien) en Jill Levenberg (Mymoena Samsodien) is almal benoem vir beste aktrise en akteur in ’n TV-sepie en Richard September (Bennie) vir beste ondersteunende akteur in ’n TV-sepie.
“Met enige benoeming, soos met die SAFTA-toekennings, is dit goed om erkenning van die bedryf te kry,” sê die aktrise Denise. “Hierdie is beslis ’n spanpoging van almal in my Suidooster-familie. kykNET (*144) verdien ook groot erkenning omdat hy ons toelaat om ’n ware Kaapse verhaal te vertel.”
Cedwyn sê hy waardeer die erkenning vir die harde werk, want die toekenning is die kersie op die koek. “Danksy die rol van AB kry ek, die ander Suidooster-akteurs en die res van die span die geleentheid om unieke verhale te vertel, wat kykers se verwysingsraamwerk en horisonne verbreed.”
“Dis ’n eer en voorreg vir my om vir dié SAFTA-toekenning benoem te word,” sê Richard ook. “Dis danksy die wonderlike Suidooster-span wat die rol van Bennie ’n absolute plesier is.”
Suidooster is ook benoem vir die beste TV-sepie en selfs al is die mededinging sterk, het Suidooster dalk net ’n kans om dié kategorie te wen.
Wil jy weet hoekom? Gaan kyk seisoen 1-8, wat tans op Showmax gestroom word.
Hier is ’n gids tot van die spelers:
MRS J. (SHARLEEN JACOBS): GESPEEL DEUR THERESA SEDRAS
Sharleen Jacobs – of Mrs J. soos almal haar noem
– is die matriarg van die Jacobs-familie. Daar is niks wat sy nie vir haar kinders sal doen nie. Sy besit ’n groot suksesvolle eiendomsmaatskappy genaamd Jacobs Property Development (JPD) in Ruiterbosch. Sy is Bridgette en Lee-Ann Jacobs (sien onder) se ma, en haar oorlede man, Henry (nie op die skerm nie), was ’n groot gees in die gemeenskap. Jare gelede het hy die Suidoostersentrum gebou, wat steeds ’n sentrale deel van die storie is. Mrs J. moet dikwels vrede maak tussen haar twee kinders. Sy’s ’n gawe Christin wat betrokke is by die kerk en bak die beste melktert in Ruiterbosch.
Bridgette is Mrs J. se oudste en moeilikste dogter. Ons het haar oorspronklik ontmoet as Ian October (Abduragman Adams) se sosiale vlinder-vrou. Maar toe die skille van haar oë afval en sy besef haar man is onbetroubaar, het sy haar lewe verander.
Sy is die HUB van JPD en sal enig-iets vir haar maatskappy en familie doen. Sy’s ’n emosionele mens wat impulsief op probleme reageer, en skep moed uit ’n glas (of bottel) wyn. Sy het nie altyd met haar suster, Lee-Ann, oor die weg gekom nie, maar sedert Lee-Ann se terugkeer het hulle vrede gemaak en geleer om hul verskille beter te hanteer.
LEE-ANN JACOBS:
GESPEEL DEUR PORTIA JOEL
Mrs J. se langverlore dogter wat nadat sy jare lank weggekruip en uiteindelik in Ruiterbosch opgedaag het om te vergoed vir haar verlede. Sy het die skuld gekry vir haar pa se dood, want sy was betrokke by die dwelmbesigheid, en hy moes haar red. Noudat dit tot die verlede behoort, het sy haarself weer by die gemeenskap ingegrawe.
Sy was tot onlangs ’n raadslid vir Ruiterbosch, maar werk nou saam met haar suster by die voormalige Suidoostereiendomme, nou bekend as JPD. Sy’s ’n sedepreker vir wie daar net een pad is, en dis die pad na geregtigheid. Sy is getroud met Ty die motorwerktuigkundige (gespeel deur Maurice Paige).
ZOE OCTOBER: GESPEEL DEUR LAUREN JOSEPH
Die prinses van Ruiterbosch, ’n status wat sy verwerf het toe sy by haar oom Ian en tan
nie Bridgette opgedaag het en hul aangenome dogter geword het. Sy was ’n fiksheidsinstrukteur, maar het gou werk by JPD gekry. Aanvanklik het sy haar neus opgetrek vir enigeen wat na haar stormagtige verlede in Riversdal (’n pa wat beledigend geword het wanneer hy dronk was en ’n ma wat dit te lank verduur het) verwys het. Sy het verlief geraak op Wade (gespeel deur Dean John Smith), wat van die verkeerde kant van die dorp kom. Maar sy het uiteindelik gou van gedagte met die meer hubare argitek Tim du Plooy (gespeel deur Marco Spaumer) getrou. Sy’s nie bang om haar mening te lug nie en weet wat sy uit die lewe wil hê.
CHRIS DU PLOOY: GESPEEL DEUR MARCEL VAN HEERDEN
Chris, ’n bouer en nutsman, was voorheen in die polisiemag. Al het hy in die verlede baie vuilwerk vir Bridgette se eksman Ian gedoen, het sy gewete hom onlangs begin pla. Hy probeer nou die regte ding doen, maar dis makliker gesê as gedaan.
Hy het ’n redelik goeie verhouding met sy argitekseun, Tim, maar soos baie pa-en-seun-verhoudings, is daar soms konflik. Hy weet iets van almal en alles in Ruiterbosch en later in die seisoen begin hy uitgaan met Kate (Annelisa Weiland).
AB SAMSODIEN:
GESPEEL DEUR CEDWYN JOEL
AB Samsodien is Ruiterbosch se betroubare apteker, ’n liefdevolle gesinsman met ’n sterk karakter en vaste sienings. As ’n Moslem is goeie familiewaardes baie belangrik vir hom, maar hy het ook geleer om die lewe met oop oë te benader, veral toe hy deur sy grootste uitdaging gekonfronteer is: Hy het op ’n ander vrou, Farrah (Lee-Ann van Rooi), verlief geraak en haar as sy tweede vrou geneem.
In die proses het hy byna die liefde van sy lewe, sy vrou, Mymoena (sien onder), verloor. Hy aanbid die grond waarop Mymoena loop. Ondanks hul uitdagings wen hul liefde altyd. Hy’s ’n sagte mens wat nie wegskram van sy vaderlike verantwoordelikhede nie.
MYMOENA SAMSODIEN: GESPEEL DEUR JILL LEVENBERG
Mymoena is ’n ekstrovert en ’n sterk vrou. Sy’s ’n regte babbelkous. Sy sal ure lank met haar beste vriendinne, Mrs J. en Kate, gesels. Mymoena is saggeaard, liefdevol en moederlik, maar sy laat nie toe dat enigeen oor haar loop nie. Uiteindelik wil sy net hê haar familie en man moet gelukkig wees. Haar huwelik met AB het ’n paar storms beleef, soos toe haar buiteegtelike dogter, Bianca (gespeel deur Simone Biscombe), skielik in Ruiterbosch opgedaag het, en toe AB aangekondig het hy gaan met ’n tweede vrou trou.
RHAFIEK SAMSODIEN: GESPEEL DEUR IRSHAAD ALLY
Rhafiek Samsodien kon maklik in ’n ander lewe ’n held in ’n sprokie gewees het – hy’s nie net aantreklik nie, maar het ’n hart van goud en glo in die mens se goedheid. Hy’s een van ’n tweeling en sy broer, Rhiyaaz (Anton Jeftha), woon in Londen. Hy het soos sy ouers goeie waardes en mense hou van hom, al is hy effens aanmatigend. Hy het ’n streng morele kompas wat soms tot sy ondergang lei wanneer hy in die moeilikheid is en vinnig besluite moet neem. Hy het oorspronklik vir JPD gewerk, maar het stry gekry met die bestuur en besluit om sy eie reisagentskap, Atlantic Adrenaline, oop te maak.
NAZEEM JACOBS:
GESPEEL DEUR IRVINE VAN DER MERWE
Nazeem is die nikswerd halfbroer van die eerlike apteker AB Samsodien. Jare gelede het hy sy huis in die Kaap verlaat en na Johannesburg getrek, waar hy ’n goeie lewe gemaak het as ’n entrepreneur met ’n hoekwinkel in Brixton. Maar hy het nie net sy geld gemaak met koeldrank en lekkers nie, hy is deeltyds ’n woekeraar. Hy het ook onwettige middels gekoop en verkoop.
Daar het hy uitgevind wat sy ware oorsprong is: Hy is die buite-egtelike seun van Henry Jacobs en dus die erfgenaam van die Jacobs-fortuin. Toe hy aanvanklik in Ruiterbosch aangekom het, was dit om sy deel op te eis, tot ontsteltenis van Bridgette en Lee-Ann.
Sy gierigheid het geen grense nie, en hy vra gedurig vir meer – maak nie saak hoe hy dit in die hande kry nie. Desondanks is hy ’n familieman. Hy is met dieselfde morele waardes grootgemaak as AB, maar beskou AB as te moralisties en opreg, en hy het deur die jare geleer die lewe is nie swart en wit nie. Hy wil hê sy lewe moet meer opwindend wees en meer verrassings inhou.
KAASHIFA MONSOUR: GESPEEL DEUR JAWAAHIER PETERSEN
Khaashifa is ’n blinkoog, jong Moslemvrou. Sy’s deernisvol, konserwatief en besef nie hoe mooi sy is nie. Wanneer ons haar die eerste keer leer ken, het sy nog by haar onversetlike en soms byna afsydige ouma Rabia (Na-aymah Ally Samaai), gebly en in daardie stadium het sy nie ’n werk of ’n kêrel gehad nie. Maar toe het die moederhen Mymoena haar onder haar vlerk geneem en kort voor lank het Kaashifa uit haar dop gekruip en haar eie aanlyn kookprogram begin. Haar ouma is intussen oorlede, en nou moet Kaashifa die groot wêreld alleen aandurf, met hulp hier en daar van die Samsodiens. Sy’s ’n lieflike vrou, maar soms te naïef en dra dikwels haar hart op haar mou. Sy is nou die hoofsjef by die restaurant Oos-Wes asook die mede-eienaar.
BENNIE:
GESPEEL DEUR RICHARD SEPTEMBER
Bennie is die voëlkyker-, buurtwag-inwoner van Ruiterbosch. Bennie is nie die slimste nie, maar hy het ’n goeie hart en sy ma (nie op die skerm nie) het hom goeie maniere geleer en om altyd die waarheid te vertel. Bennie het ’n meisie genaamd Linda (Melissa Willering), sy is outisties en bly in Johannesburg, hy is baie lief vir haar en probeer altyd geld maak om ’n vlugkaartjie te koop om by haar te gaan kuier. • Lees meer op ble. 26-27.