4 nuwe n kanale MOVIE ROOM GEE WOEMA
DStv stel dié Augustus ’n nuwe kanaal vir fliekliefhebbers bekend, wat ons aanbod vir aanhangers van Japanse TV en Moslemkykers aanvul.
DStv voeg vandeesmaand meer kykstof tot jou pakkette by, en begin met ’n 24 uur-fliekkanaal, twee Islam geöriënteerde kanale en ’n Japanse vermaak-en-leefstylkanaal.
Movie Room is die geesteskind van die Ngwato Nkosi-groep, stigters van die nuuskanaal Newzroom Afrika (*405). Die Ngwato Nkosi-groep is ’n vennootskap tussen die televisie-entrepreneurs Thabile Ngwato en Thokozani Nkosi.
“Dié kanaal gaan 24/ 7 vermaaklike plaaslike en internasionale flieks, van groot lokettreffers tot onvergeetlike klassieke rolprente, aanbied,” verduidelik Thokozani. “Ons gaan help om programme met sorg saam te stel wat vir elke luim voorsien, van spannende aksie tot ou gunstelinge.”
Thabile voeg by die maatskappy het ’n dapper ambisie om ’n platform vir nuus en vermaak in Afrika vir die toekoms te bou: “Dít is ’n opwindende nuwe tree op ons reis. Newzroom Afrika was bo alle verwagting suksesvol, en ons gaan die ervaring om die kanaal van die begin af te skep gebruik om slim besluite te neem in ons benadering tot Movie Room en nóg meer in die toekoms.”
Georginah Machiridza, uitvoerende hoof van inhoudstrategie en derde party-kanale by MultiChoice, sê Movie Room gaan kykers meer opsies bied vir hul keuse van vermaak. “Ons is opgewonde om intekenare die grootste moontlike keuse van puik flieks te bied vir alle smake en seisoene, regstreeks na jou televisie en die DStv Now-stroomapp.”
Movie Room gaan in Suid-Afrika beskikbaar wees vir alle DStv Premium-, Compact Plus-, Compact-, Family- en Access-kliënte op DStv (*113).