eExtra Weekdae 20:30
h Weekdae e.tv (DStv *194) 10:30; eExtra (Openview 105) 04:05 o Saterdae eExtra 20:00
VERLEDE KEER
Ezo en Vuslat het baklei, dr. Ferman en die assistente het ’n stryd gehad om lewens te red ná ’n botsing tussen talle voertuie, en dr. Ali was in die moeilikheid. ’n Pasiënt wat vir langer as 10 jaar in ’n koma was, het interessante veranderinge getoon, en die volle omvang van dr. Ferman se handbesering is bekendgemaak.
IN DIÉ UITGAWE
Dis ’n dag van bekentenisse vir Beliz en dr. Tanju, dr. Ferman hou vol hy is gereed om terug te gaan na die operasieteater, en Muhsin gee Vuslat ’n ultimatum. Die verhaal van dr. Doruk se beproewing in die weermag kom uiteindelik uit met ’n skrikwekkende openbaring oor sy geestestoestand, Muhsin dwing Vuslat om iets te doen, en later probeer Muhsin dr. Ali en dr. Nazli in ’n worsteling uitmekaar maak. Die dokters word gekonfronteer deur ’n geniale seun met ’n raaiselagtige diagnose, maar iemand maak dit moeilik om hom te behandel.
Bayram se raaiselagtige siekte het ’n dramatiese wending wat hom voor ’n moeilike besluit stel, Beliz volg Vuslat se raad in ’n persoonlike saak, en dr. Nazli dink almal het haar verjaardag vergeet, maar haar verrassingspartytjie eindig interessant. Muhsin is in ’n toestand wanneer sy pa by die hospitaal opdaag, Nazli sukkel om ’n jong pasiënt te help en die ander dokters vermoed haar ma het haar verwaarloos, en dr. Ali probeer die chaos in sy lewe orden. Ali is gespanne nadat hy voor die hospitaalraad verskyn, Nazli begin ineenstort wanneer sy voel sy moet dr. Ali kalm hou, en nadat hulle die ingewikkelde operasie op Muhsin se pa waarneem, gaan die raad later oor Ali besluit. Nazli en Ali het ’n romantiese aand beplan, maar dit verloop nie soos verwag nie.