eExtra Sondae 19:30
o Saterdae eExtra (Openview 105) 19:30
VERLEDE KEER
Suleyman het vuurwapens by die Babil-kantore weggesteek, Hakan het ’n chirurg ontvoer, en die polisie het Irfan gearresteer. Ilay het gehoor Egemen praat oor Deniz wat sy seun is, en Deniz se operasie het begin.
IN DIÉ UITGAWE
Irfan en Eda wag angstig op nuus oor die operasie op hul seun, Deniz, Hakan meng in wanneer Irfan sy skuld aan Suleyman gaan betaal, en Suleyman wys vir Irfan en Egemen hy het geen genade nie. Wanneer Irfan die operasiespan bedank, hoor hy van ’n geheimsinnige vrou wat die dokters oorreed het om te opereer. Ayse kom onwillig nader aan die bedorwe rykmanskind Hakan in ’n poging om Suleyman se organisasie nóg verder te infiltreer, ’n woedende Suleyman konfronteer sy vrou, Kudret, nadat hy haar komplot teen sy minnares, Ilay, blootlê, en Suleyman maak ’n Mafialid dood om Hakan te red. Irfan besluit om van Eda te skei wanneer hy ál dieper in rampspoed verval, en Eda steier wanneer Irfan sy planne aankondig om hul huwelik te beëindig. Kudret is vasberade om alles oor Ayse se verlede uit te vind wanneer haar seun, Hakan, se belangstelling in die nuwe vrou op kantoor aanhou groei, Ayse kom na Kudret vir inligting wanneer sy dieper grawe in Suleyman se twyfelagtige besigheid, en Mert begin Ayse volg wanneer hy vermoed Ayse het dalk geheime motiewe. Suleyman stel Irfan in gevaar terwyl hy probeer om Ilay se liefde terug te wen deur nuwe kliënte vir die besigheid voor te stel, maar hulle het ongelukkig bande met die Mafia, en ’n konfrontasie tussen Kudret en Suleyman laat hul gemoedere hoog loop. • Die episode op Dinsdag 6 September is die oorspronklike laaste episode van seisoen 1, en ons gaan direk oor na seisoen 2 vanaf Woensdag 7 September.