SABC2 Weekdae 21:00

h Weekdae SABC1 (*191) 08:30 h Weekdae SABC2 (*192) 11:30

VERLEDE KEER

Azwindini was woedend toe hy hoor Rosemary het borgtog gekry en is op die vlug, en VhoMasindi was seergemaak en ontsteld om te sien Shaz gebruik Vho-Mukondeleli se resepteboek. En daar was nóg slegte nuus vir Vho-Masindi toe sy uitvind iemand het Vho-Mukondeleli se bankrekening leeggemaak.

IN DIÉ UITGAWE

Dinge vererger in die Mudau-huis, en Susan is onbewus van die storm wat op haar afstuur. VhoMasindi beland in die moeilikheid ná ’n oorhaastige besluit, Mpho is geskok wanneer sy hoor wie is Rosemary se suster, en daar is ’n groot geskinder wanneer die voormalige burgemeester se liggaam opgegrawe word as deel van ’n moordondersoek. Vho-Makhadzi maak ’n bekentenis, die datum van die huidige burgemeester, Susan, se verhoor word vasgestel, en Tenda is skepties oor Zama nadat iets verrassends gebeur.

Vhangani word by Vho-Makhadzi se probleme ingesleep, Mpho besluit om ’n ritueel te doen vir Rosemary, maar sy is geskok wanneer iemand onverwags by haar huis opdaag, en Susan word amptelik gearresteer. Mpho hoor Rendani is haar geestelike gids, Vho-Makhadzi beplan alternatiewe maniere om geld in die hande te kry om te dobbel, en Tenda probeer Mpho oortuig Rosemary is ’n bedrieër. Susan laat vaar die stryd om geregtigheid en almal is bekommerd sy kan dalk haar eie lewe neem, en Vho-Makhadzi mislei Rendani oor ’n kontantdonasie. Mpho wil hê Tenda moet niks met Rosemary te doen hê nie, en Vho-Makhadzi bedank Vhangani omdat hy haar aangewese bestuurder is, onbewus van wat werklik aangaan.