MasterChef Australia
Seisoen 14 M-Net (*101) 18:00 Realiteit
Die superkookreeks MasterChef Australia keer vir die 14de keer terug en word Maandae tot Donderdae uitgesaai net wanneer die meeste van ons begin kosmaak vir aandete. En in hierdie seisoen word bekende gesigte weer gesien in die formaat Fans vs Favourites. Daar is drie kampioene, drie gewilde voormalige deelnemers wat nie die paal gehaal het nie en 12 nuwe aanhangers wat die MasterChef-uitdaging aanpak. Plus die wenner van seisoen 4 (2012) Andy Allen, die beroepsjef Jock Zonfrillo en koskritikus en skrywer Melissa Leong is weer die beoordelaars.
Die wenners wat terugkeer, is Sashi Cheliah (seisoen 10, 2018) Billie McKay (seisoen 7, 2015), en
Julie Goodwin (seisoen 1, 2009). Seisoen 14 is einde 2021 geskiet, dus is daar steeds ’n paar Covid-19beperkings op verfilming, sê Andy. “Ons het nie eers die oudisies vir die seisoen uitgesaai nie, wat gewoonlik baie belangrik is. Ons het begin met die 24 sjefs wat gereed is om te begin kook.”
Die meeste immuniteitspeldjies nóg in die reeks se geskiedenis – sewe – word in hierdie seisoen uitgedeel. Daar is ook ’n splinternuwe Feature Ingredient Ser
vice Challenge, ’n Food Pyramid Invention Test, en die veel beproefde Mystery
Box Challenge wat die deelnemers volgens Andy tot die uiterste gedryf het. “Ons het tydens verfilming rondgeloop en die aromas en geure van die geregte was ongelooflik. Ons het gedink seisoen 13 was wonderlik, maar ek dink hierdie seisoen is ons beste nóg. Al die fieterjasies help niks indien ’n kunstige skepping nie goed smaak nie.”