Die liefde wen!
Rhafiek en Kaashifa trou uiteindelik ná al die hartseer en pyn.
Die mat is onder die geliefde Suidooster-karakter Kaashifa (Jawaahier Petersen) se voete uitgeruk toe sy in Julie vanjaar met borskanker gediagnoseer is.
Die siekte was ’n doodsvonnis vir haar ma (nie op die skerm nie) en toe Kaashifa hoor haar lewe is ook dalk verby, het sy aanvanklik in haar dop gekruip en haarself van haar vriende, familie en haar verloofde, Rhafiek (Irshaad Ally), afgesonder.
“Kaashifa se grootste vrees is om vir iemand ’n las te wees,” sê Jawaahier. “Sy het gesien wat die siekte aan haar ma gedoen het, en sy wou niemand daaraan blootstel nie – veral nie Rhafiek nie, want hy het reeds (in 2020) ’n babaseun verloor. Daar is ’n groot kans dat Kaashifa kan sterf en sy sal haarself nooit vergewe as sy Rhafiek daardeur moet laat gaan nie,” verduidelik Jawaahier. Maar Kaashifa het gou besef sy hoef nie die reis alleen aan te pak nie, en sy het Rhafiek en haar geliefdes stadigaan toegelaat om haar te ondersteun. En nou staan sy en Rhafiek uiteindelik op trou! EERS GEKANSELLEER
Die planne vir die bruilof is Maandag 5 September, die dag voor die troue, goed op dreef. Rhafiek se ma, Mymoena (Jill Levenberg), is bedrywig om alles van die silwereetgerei vir die onthaal tot die versierings vir die seremonie reg te kry en jy kan die opwinding aanvoel.
Kaashifa is net so bly om byna ’n bruid te wees, maar sy lyk vaal en uitgeput omdat sy nog herstel ná haar dubbele mastektomie. Bianca (Simone Biscombe), Mymoena se dogter, is die enigste een wat weet Kaashifa het onlangs ’n infeksie opgedoen en is tans op sterk antibiotika. “Kaashifa het Bianca mooi gevra om niks te sê nie, want sy wou nie hê dit moet die troue bederf – of
DIE UITRUSTINGS
Die garderobespan het hulself oortref met die pragtige uitrustings vir die troue – van die asemrowende trourok wat Kaashifa dra tot die gaste se uitrustings en die tradisionele Moslemkleredrag wat Rhafiek aanhet met sy tulband wat spesiaal deur die Imam om sy kop gevou word.