The Julia Child Challenge
Seisoen 1 Food Network (*175) 19:55 Realiteit
September is Julia Child-maand op TV met die realiteitreeks The Julia Child Challenge wat vandag begin. Die reeks neem kykers binne ’n replika van Julia se beroemde huiskombuis soos op TV gesien, waar agt tuiskokke meeding om ’n kans om by Le Cordon Bleu in Parys te studeer. Julia het daar die vaardighede geleer wat sy later aan die wêreld oorgedra het in haar langdurige TV-kookreeks The French Chef. Die toon is meer soos die kalm The Great British Bake Off, en minder soos die moordende realiteitsreeks Hell’s Kitchen.
Dit het destyds gelyk asof Julia nie vir TV gemaak is nie. Sy was lank en vaal, uitbundig en selfversekerd, terwyl die kosaanbieders van die vroeë 1960’s teruggetrokke was, en perfeksionisme uitgebeeld het wanneer hulle geriefskos in TV-advertensies berei het. Julia het aangedring op die gebruik van vars bestanddele wat vir die Amerikaanse publiek beskikbaar is, en ’n stap-vir-stap-proses. Sy het die “kombuisgeheime” van kulinêre meesters verklap.
Uittreksels uit The Julia Child Challenge toon Julia het nie flaters verdoesel nie, maar met die episode voortgegaan en gewys hoe sy die gereg gered het – wat die kykers se vertroue gewen het. Dink aan haar as die teenoorgestelde van die glansende, maar bedrieglike, kokke op Instagram en TikTok. Die hoofbeoordelaar Antonia Lofaso voeg by: “Ek onthou toe sy die verskillende groottes van hoender verduidelik het en ’n swaard uitgepluk het. Ek het haar idees van vermaak en pret begryp.”