THE EQUALIZER (aksiereeks)
“Indien enigiemand kan help, is dit McCall.” Jy noem dit, sy speel dit: Die begaafde Queen Latifah (die misdaadbaas Carlotta Brown in die musiekdramareeks Empire) speel die oud-CIA-agent Robyn McCall in hierdie aksiereeks wat die nuwe weergawe van die gelyknamige reeks van die 1980’s is – daar was ook twee enkelflieks met
Denzel Washington (Alonzo in die aksierillerfliek Training Day) in die hoofrol.
Die lewe het hierdie enkelma en haar tienerdogter Delilah (Laya DeLeon Hayes) ’n paar taai klappe gegee, maar met haar omvattende vaardighede betree Robyn die strate van New York waar geen man dit nog vrywillig gewaag het nie wanneer sy vir haarself werk as ’n private elite- fixer. Het jy ’n probleem waarmee 9-1-1 en die NYPD nie wil help nie? McCall sal kom en alles regmaak in haar poging om maatskaplike wandade reg te stel en die slegte ouens aan die pen te laat ry.