JAGVELD (fliek)
Die plaaslike ster Leandie du Randt (Miekie in die Afrikaanse sepie Getroud Met Rugby, lees meer op ble. 24 en 25) draai die skroewe aan vir ’n groep slegte ouens wat op haar spoor is. Leandie speel die minsame onnie Emma wie se motor in die Noord-Kaapse hitte onklaar raak. Terwyl sy op die plase om haar na water soek, kom sy op ’n bende dwelmsmokkelaars af en is die enigste ooggetuie wanneer hulle ’n polisieman vermoor. En die bende wil seker maak sy sal nooit kan vertel wat sy gesien het nie, maar Emma het baie spesiale vaardighede om haarself te beskerm.