Nou in Amerika BOLD
Donna onthul die nuwe portret bo die kaggel in die Forrester-herehuis. Sheila wurm haar pad terug in Deacon se lewe en vermom stel sy haarself aan Hope voor as Lina. Deacon gooi sy hande in die lug wanneer hy uitvind Sheila/Lina noem haarself sy nuwe liefde, en Steffy en Hope raak lelik met mekaar oor toesig oor Douglas.
DAYS
Stefan kom uit sy koma en dr. Rolf kondisioneer hom om pyn te ervaar elke keer wanneer hy aan Gabi dink, en die vonke spat tussen EJ en die “gek” Ava.
Die verliefde Li kom op vir Gabi wanneer EJ haar probeer ruïneer, en Jennifer se pilverslawing is terug. John, Steve en Roman red Kayla, Marlena en Kate van Orpheus, en Kate lewer Orpheus oor aan dr. Rolf. Alex Kiriakis begin van Stephanie hou, Leo besef hy word skuldig laat lyk nadat hy Sonny kry wat letterlik in die rug gesteek is, en Will haas hom terug na Salem terwyl die dokters veg om Sonny te red.
Y&R
Adam gaan snuffel rond en besef Victor het Ashland se motorongeluk geprakseer om Nick te beskerm, en Adam waarsku Nick hy (Adam) het die man geword wat hy is, omdat hy die herinnering aan die moord op A.J. Montalvo onderdruk het. Adam aanvaar Jack se aanbod om mede-HUB by Jabot te word, Billy laat vaar sy podsending om Lily se bedryfshoof te word, en Phyllis verkoop die Grand Phoenix aan Chancellor-Winters. Talia publiseer ’n storie oor Diane se terugkeer uit die dood ná ’n wenk van Phyllis, Faith maak reg om kollege toe te gaan, en ’n aannemingsagentskap verwerp die oudgevangenes Mariah en Tessa.