Private Eyes
Seisoen 5 Universal TV (*117) 20:00 Drama
Gevat, gefokus en snaaks is die beste beskrywing van Jules Shade (Jordyn Negri, Hanna in die kinderreeks Dino Dan: Trek’s Adventures) in die prettige dramareeks Private Eyes. Indien jy haar nie onthou nie, Jules is die eksberoepshokkiespeler en nou privaat speurder Matt Shade (Jason Priestley, Wayne in die komediereeks Raising Expectations) se dogter. Dit is Matt se werk om sake op te los saam met sy vennoot Angela Everett (Cindy Sampson, Nicole Keating in die dramareeks The Bold Type), maar wanneer Matt tuis is, geniet hy dit om tyd deur te bring met sy dogter, wat net soos hy is: ’n Bietjie van ’n heethoof met ’n goeie hart.
1 Jordyn het, soos haar karakter, sigprobleme en sy dra reeds sedert sy 15 was kontaklense.
2 Die 21-jarige aktrise het haar vermaakloopbaan as ’n danser begin. Toe sy 13 jaar oud was, het sy haar fokus verander en ’n mededingende rasieleier geword, en daarna ’n aktrise.
3 Jordyn is ook ’n sanger en het in die koor gesing op die Kanadese kletsrymer Classified se 2013enkelspeler Inner Ninja.
4 Die Kanadese aktrise is deur Kanada se nasionale instituut vir blindes opgelei om seker te maak haar spel as Jules is outentiek. “Ek wil nie hê kykers moet dink ek laat nie reg geskied aan die karakter nie, of beledig siggestremdes nie,” sê sy. Jordyn se stokperdjies is lees, 5 fotografie en reis. Haar Instagram-blad is vol van reise na Italië, Portugal, Nashville, Tennessee, en Treasure Island, Florida.