Gordon, Gino And Fred’s Road Trip: Unseen Special
Seisoen 1 BBC Lifestyle (*174) 20:00 Leefstyl
Hulle is snaaks, avontuurlustig en hulle is bo alles foodies. En saam maak hulle die heerlikste kos en geniet dit om saam te reis. Sjefs Gordon Ramsey en Gino D’Acampo en die Franse meester Fred Sirieix is die
three’s a company in die leefstylreeks Gordon, Gino And Fred’s Road Trip, en vanaand word kykers vermaak met ’n spesiale program wat nog nie voorheen uitgesaai is nie. Wat presies in dié episode gewys word, is ’n geheim. Maar ons weet iets van Fred – hy het in 2017 ’n kursus, Right Course, geloods om tronk- en personeelrestaurante te herskep om soos hoofstroom-restaurante te werk, en om gevangenes oor die diensbedryf te leer. Hier is meer oor Fred:
1 Fred het in Limoges, Frankryk, grootgeword. Sy ouers was gesondheidsorgwerkers en het sy belangstelling in die diensbedryf ondersteun. “Die gesprekke aan die etenstafel was oor pasiëntesorg en om seker te maak mense het ’n goeie ervaring, wat ook op die diensbedryf van toepassing is,” sê Fred.
2 Hy het in 2012 nasionale kelnerdag begin om die personeel te eer en mense na die beroep te lok.
3 Fred het in 2015 sy groot TV3 kans in die realiteitreeks First Dates gekry. En in 2016 het hy ’n boek geskryf getiteld First Dates: The Art Of Love.
3 Fred se verloofde, wat hy speels Fruitcake noem, is Jamaikaans. Hy het ’n dogter, Andrea SpendoliniSirieix, ’n beroepsduiker, uit sy eerste huwelik.