DOKTER ALI

Seisoen 1-2 is slegs op eVOD beskikbaar.

Om die stem vir die outistiese dr. Ali te vind was ’n delikate proses. Hy is ’n komplekse karakter wat met deernis deur die

Turkse akteur Taner

Ölmer vertolk word.

Denver Vraagom (die aanbieder van die vasvraprogram Words & Numbers) toon sy veelsydigheid as stemakteur vir Ali. Sy oorklanking weerspieël 100% wat jy op die skerm sien. Elke gedagte, elke greintjie van sy onsekerheid, opgewondenheid, hartseer en verwarring word in Denver se stem oorgedra. Denver sê hy het vroeg in die 1990’s stemwerk en oorklanking begin doen, en dis steeds een van sy gunstelingmaniere om sy liefde vir toneelspel te toon. “Dis vreemd ek word deesdae op straat herken vir my stemoorklanking van dr. Ali, en nie vir my gesig vir die rolle wat ek speel nie. Maar ek hou daarvan. Daar is iets aan die towerkrag wat jy agter ’n mikrofoon skep, en die manier waarop jy jou stem gebruik om emosies te skep. Terwyl ek Ali se storielyn oorgeklank het, het dit my geraak om te sien hoe hy oor die seisoene ontwikkel het en ’n man word wat dapper goed doen ondanks sy outisme. As ’n pa met ’n dogter met outisme het ek ’n diep band met dié storie en karakter gevoel,” voeg Denver by.