Alaskan Bush People
Seisoen 7 Discovery (*121) 20:00 Realiteit
Die Brown-gesin is terug met ’n nuwe seisoen van hul openhartige dokkiereeks Alaskan Bush People, wat hul lewe in die Alaska-wildernis boekstaaf. En dis ’n strawwe lewe – toe die patriarg wyle Billy epileptiese aanvalle gekry het, was die naaste dokter meer as 80 km van die kusdorp Hoonah af. “Ons het baie moeilike tye met my pa daar beleef,” verduidelik die oudste seun, Bam Bam. “Dit was nie maklik nie, want ons het lank nie geweet wat die aanvalle veroorsaak nie, wat toe in die middel van 2021 noodlottig was.”
Een van die redes waarom die 1 gesin na Alaska en die ontoeganklike wildernis getrek het, is glo omdat Billy en sy vrou, Ami, hul verlede as misdadigers wou verberg. Billy is in die 1980’s weens perdediefstal veroordeel, en Ami vir bedrog by liefdadigheidsorganisasies.
Hoewel Bam en Billy beweer 2 hulle was in 2015 vir ’n maand in die tronk as ’n pleitooreenkoms weens bedrog met staatsdividende van Alaska se oliebedryf, was hulle eintlik vir ’n maand onder huisarres in ’n gerieflike hotel vir dié misdaad. Die Browns het ná Billy se dood 3 amptelik uit Alaska verhuis en woon almal nou in Washington.
Hul huis in Alaska bestaan nie meer nie nadat dit in 2021 in veldbrande afgebrand het.
Die jongste dogter, Rain, en 4 seun Matt het albei tydens die reeks aan depressie en obsessiewe kompulsiewe versteuring gely. Matt het in 2017 bykans oornag ’n alkoholis geword en sy pa, wat die afgelope 40 jaar geen alkohol gebruik nie, het hom gedwing om rehabilitasie te ondergaan.