Die dood kry lewe
Dr. Richard Shepherd lig die sluier in CBS Justice se nuwe reeks The Truth About My Murder.
Die forensiese patoloog dr. Richard Sheperd het in sy loopbaan al meer as 23,000 nadoodse ondersoeke afgehandel. Hy het vir die Britse departement van binnelandse sake gewerk in hoëprofiel-ondersoeke soos die dood van
prinses Diana en was ’n raadgewer oor die bestuur van Britse sterfgevalle in die 9/11-terreuraanvalle.
Nou ontleed hy tien van Amerika en Brittanje se berugste moordsake – insluitende die 69-jarige prof. Peter Farquhar wat deur sy 31-jarige verloofde, Benjamin Field, vermoor is – in CBS Justice (*170) se nuwe reeks oor ware misdaad The Truth About My Murder. Met behulp van ’n anatomage-tafel (wat vollengte digitale beelde van die menslike anatomie wys), en gedetailleerde, oorspronklike forensiese verslae, lei dr. Shepherd die kyker deur die sake. Onderhoude met famililie en vriende, joernaliste, sielkundiges en ander mense in die kriminele regstelsel onthul die motivering en optrede van die moordenaars en hul slagoffers. Lees verder hoe dr. Shepherd die reeks ontleed.
LEWE IN DIE DOOD Jy het laat in jou loopbaan geleer hoe om die stres van dié beroep te verwerk. Hoe doen jy dit?
Die belangrikste ding vir my was om ’n sielkundige te besoek, wat na my kon luister terwyl ek in die dieptes van depressie en angs was. Om te praat oor hoe ek die beelde van sake wat ek in my geheue weggebêre het, kan opdiep, die grusaamheid eenkant toe kan skuif en op ’n professionele wyse daarna kan kyk. Maar ook onthou ek gaan die sake altyd wegbêre.
Sy beskyf dit as herinneringe wat ek in ’n boks terugsit, wat dan op ’n rak gebêre word. Jy moet dit bewustelik doen; jy kan dit nie net die rug toekeer nie. Tydsdruk vroeër het beteken ek moes vinnig deur die sake werk en dit was dus moeilik om af te skakel. My stokperdjies: Ek vlieg