Tussen treine en stasies
Ry saam trein en ontdek die wonderskone Wes-Kaap.
Treinry is vir duisende SuidAfrikaners ’n alledaagse manier van vervoer om by die werksplek te kom, maar baie mense het nog nie hierdie avontuurlike en goedkoper manier van reis op eie bodem ontdek nie. Die aanbieder Iana Strydom neem ons op ’n visuele en onvergeetlike ontdekkingsreis op die Wes-Kaap se treinroetes.
STUDIES EN VUURDOOP
Die lewenslustige Iana het nooit trein gery tydens haar grootwordjare in Suid-Afrika nie. “Ek het wel in 2015 en 2016 baie in Europa gereis en toe die plesier van n treinry ontdek, en ook in 2018 018 toe ek in Amerika getoer het. In 2019 het ek ook in Hongarye, Duitsland en Oostenryk baie trein gery.”
Iana se kop het nooit aanbiedingswerk toe gestaan nie. Sy het in 2017 vir drie jaar onder meer geoo grafie en geesteswetenskap aan die Noordwes-Universiteit op Potchefstroom gestudeer en haar honneursgraad in 2020 in geografie en omgewingswetenskap voltooi. In 2021 het sy tydens die grendeltyd begin om haar passie vir fotografie en videografie uit te leef en vir haarself ’n platform op die sosiale media gevestig. “Ek was nog altyd lief vir die buitelewe en het gedink ek kan dalk deur middel van die sosiale media ’n sigbaarheid kweek,” vertel sy. “In daardie stadium het ek my fotografie en my studies gebalanseer, veral toe ek tydens die inperking tuis gebly het.”
Iana se plasings op die sosiale media het nie ongesiens verbygegaan nie, want Geoffrey Butler, die regisseur van Spoor Stories het haar plasings op Instagram raakgesien en haar in April genooi om ’n oudisie vir die aanbiedingspos te doen. “Ek was o op die kortlys en h het glad nie my hart daarop gesit om dit te kry nie, en was baie opgewonde toe ek gekies is,” vertel sy. “Dit is nou wel my vuurdoop as TV-aanbieder, maar ek het gou my voete gevind.”
ONTDEKKINGSREIS
Sy sê Spoor Stories was ’n heerlike ontdekkingsreis. “Ons het op die stasies stilgehou en baie van die kos, kultuur en aktiwiteite en die omgewing van nader leer ken. Dit was ook lekker om met die passasiers te gesels en hul stories te hoor.”
Sy meen Suid-Afrikaners ry nou meer trein, want: “Dis familievriendelik; jy merk plekke en natuurskoon op wat jy nie dalk op ander roetes sou teëkom nie. Dit is ’n meer bekostigbare manier van reis.”
Die township Langa was vir Iana een van die hoogtepunte. “Ek was aangenaam verras oor die ryk geskiedenis van dié township. Ons het die museum besoek en ’n draai gemaak by die sangeres-liedjieskrywer Brenda Fassie, wat in 2004 oorlede is, se huis.” Sy sê Prasa (Passenger Rail Agency of South Africa) was baie tegemoetkomend tydens die verfilming van die reeks. “Die vervaardigers beoog om ook die treinroetes in ander dele, soos in Mpumalanga, te verken.”