Binnelanders
Weekdae kykNET (*144) 19:30/M-Net-dek. 16:40 Sepie
Die Binneland-kliniek se plastiese chirurg, dr. Steve Abrahams (Clint Brink), het ’n moeilike 2021 ervaar toe hy die liefde van sy lewe, dr. Elana Bester (Ilne Nienaber), in ’n fratsongeluk verloor het nadat ’n motor haar teen ’n pilaar op Binneland se parkeerterrein vasgepen het. Steve het nog nie weer liefde gevind nie, maar in sy onlangse romanse met die spioen Ewa Marinov alias Andrea Hayden (Bianca Amato) het ’n vonk vlamgevat en vir die res van Desember is daar nog talle tonele tussen die twee. “Ek het die storielyn baie geniet,” sê Clint.
Dit was een van Steve se hoogtepunte vanjaar. “Dit was pret om my lyf 007 (soos die spioen James Bond) te hou terwyl Steve en Ewa saam ondersoek instel na die geld om ’n hospitaal in Nigerië te bou (in November), wat verdwyn het en waarvoor At (Hans Strydom) die scapegoat geword het,” vertel Clint. “Daar gaan nog ander onthullings wees, en
Steve gaan sukkel om Ewa se ware identiteit vir homself te hou. Skakel in om te sien hoe die storie ontvou.” ’n Storielyn wat vir Clint as ’n laagtepunt begin het maar later ’n hoogtepunt was, was in Januarie toe
Steve se vervreemde ma Marissa (Ilse Klink) en jonger broer Jared (Gershwin Mias) opgedaag het, sê Steve. “Marissa het Steve as jong kind aban
don by sy abusive pa en met klein Jared die pad gevat, wat groot trauma vir Steve veroorsaak het,” onthou Clint. “Dit was wonderlik om meer van Steve se backstory te leer, en toe hy uiteindelik met sy ma en broer versoen raak, het sy wonde geheel.”
Lees meer op ble. 47 en 49.