Skote klap!
Wedstrydknoeiery lei tot die dood van ’n geliefde . . .
Chaos heers in die Binnelandkliniek. Wedstrydknoeiery in ’n beroep s krieketwedstryd het sy kop in die hospitaal uitgesteek en verpleegster Karen (Luandri Reyners) is in die middel daarvan.
“Dit het alles te doen met Karen se neef Armand (Abel Knobel),” sê Luandri. Hy is ’n krieketspeler wat vroeër in Januarie in Binneland opgeneem is nadat ’n krieketbal hom teen die kop getref het en hy steke moes kry en harsingskudding opgedoen het. “Karen het hom help verpleeg, maar nie gedink hy sal haar vertel van die wedstrydknoeiery waarby sy vriend
Stiaan (Markus Haywood) hom ingesleep het nie. Nou is die mense agter die knoeiery op Armand se spoor.”
IN DIE KRUISVUUR
Armand het uit vrees aan sy wond gepeuter sodat hy ’n infeksie opgedoen en langer in die hospitaal moes bly, maar die sindikaatbaas in beheer van die wedstrydknoeiery, mnr.
Golding (Llewellyn Corwww.twitter.com/tvplus dier, Leon in die dramareeks Kings Of Jo’burg), en sy groep trawante gaan soek Armand en Stiaan daar. “Karen wil Armand help en ontbied die polisie. Dinge ruk handuit en ’n skietery vind plaas,” verklap Luandri. Dit sorg vir benoude oomblikke weens Karen se hardkoppigheid en Stiaan, wat by Armand kuier, en Koos (Ryno Hattingh) – Karen se bestie, verpleegster Gaby (Maude Sandham) se pa – word in die kruisvuur geskiet, en Koos sterf op die operasietafel.
SKULDGEVOELENS
Gaby, haar ma, Wendy (Henriëtta Gryffenberg), en Gaby se halfbroer dr. Tertius (Reynardt Hugo) kry swaar ná Koos se dood. Skuldgevoelens vreet Karen op. “Sy blameer haarself daarvoor,” sê Luandri. Karen reik uit na Gaby, maar Gaby jaag haar weg. Hoewel Koos se dood tra-gies is, voel Tertius en Wendy sy lyding is verby, want hy het aan amiotrofiese laterale sklerose gely. Maar Gaby sien dit nie so nie en haal haar woede en pyn op Karen uit.
VERLEDE KEER
Karen het antwoorde by Armand gesoek, Stiaan was nie beïndruk met Tertius se besluit nie, en Elise het by Uys oor haar werksprobleme afgepak.
IN DIÉ UITGAWE
Golding en sy manne maak amok in die hospitaal, Annelize en Tertius beland in die sop by Conrad, en nuus oor Koos laat Gaby teen Karen uitvaar. Die gebeure by die hospitaal veroorsaak groot probleme vir Conrad,
Steve en Ewa maak vir die eerste keer in ’n lang ruk weer kontak met mekaar, en Lexi se lewe is in gevaar. Iemand betwis At se testament, Gaby verhard teenoor Karen, en Soekie Kellerman het bewyse om te staaf wie sy is, maar skok ook vir Conrad met ’n onthulling. Bronwyn daag in Pretoria op, Gaby wil Stiaan konfronteer, Soekie besef Conrad glo haar nie, en Joline se aanmoediging laat Conrad na Jacques uitreik. Naomi dink sy het die antwoord op ’n lewensbelangrike vraag, Louis trotseer Bronwyn se woede, en Soekie jaag meer as een persoon die harnas in. Steve voel skuldig teenoor Ewa, dinge raak ongemaklik met Bronwyn, en Soekie wil die pad vat, maar word met vrae gepeper. Rian trap Uys uit, Liam moet ’n besluit neem, en At vra Jacques ’n guns. Stiaan het ’n boodskap vir Armand, Gaby gee Wendy ’n idee en haar planne skok Karen. Steve wonder of hy die grootste fout van sy lewe maak, en Annelize en Louis raak seker van hulle saak. Meer op bl. 39.