Nou in Amerika
BOLD
Deacon en Mike besoek Sheila in die tronk om haar van hul toewyding te verseker, Finn en Steffy weier om teen haar te getuig omdat hulle Bill se reaksie vrees. en die regter stel Sheila vry nadat Mike “beken” hy het haar uit die tronk ontvoer. Taylor bied aan om haarself oor te gee nadat Bill geskiet is sodat Finn en Steffy kan getuig, maar dis te laat, en Taylor sien hoe Bill Sheila vertel hy het haar lief. Bill se familie wonder wat met hom verkeerd is wanneer hy sy passie verken vir ’n vrou wat die slegste in hom kan uitbring . . . en dit geniet.
DAYS
Lucas val Orpheus aan omdat hy Kate doodgemaak het, Kayla sterf, en Kristen pers EJ af nadat Rafe en Jada haar keer om uit Salem te vlug. Rachel vaar uit teen Chloe omdat sy tussen pa Brady en ma Kristen kom, Stefan stem in tot ’n prosedure wat die inmenging met Rolf se brein kan omkeer, maar Rolf verdwyn, en Johnny erken teenoor Stefan hy het in Djakarta met Rolf gepraat. Salem treur oor Kate en Kayla se dood, Lucas vertel Rex Philip lewe, en Sloan dagvaar Chanel. Sonny skop Leo uit sy lewe nadat Will hoor hoe Leo en Sloan ’n misdaad bespreek, en Marlena sien bekendes in die hemel.
Y&R
Nate stel Audra aan as Newman Media se nuwe bedryfshoof nadat Devon en Lily haar afgedank het weens haar bande met Tucker in die verlede, en Devon konfronteer Tucker wanneer Ashley Jabot se finansiële dokumente in Tucker se hotelkamer kry. Phyllis sien hoe Jack vir Diane soen, Jack bied aan om van Nikki se juweliersware te steel om Diane te help, en Lily en Billy maak uit. Billy en Chelsea kom nader aan mekaar, Tessa en Mariah is terug in Genoa City met nuus, en Sally steek haar swangerskap weg.