Kyk, doen, eet en slaap
WILLOWMORE
• Kapoet Kom kry roosterkoek, tuisgemaakte wildspasteie, biltong, koeke en driegangetes op ’n Sondag. Jy kan ook aansit en bestel. Knysnastraat.
071 472 5877 • The Willow- historiese gastehuis Die ou NG pastorie – ’n lieflike dubbelverdiepinghuis – is waar talle Baviaansryers kom oorslaap. Gerieflike kamers, hartlike ontvangs, lekker kos... en as dit koud is, ’n vuurtjie wat gesellig knetter. Wehmeyerstraat 70. 044 923 1574
willowguesthouse.co.za
• De Oude Apteek Dit voel of jy by ’n negosiewinkel instap. As jy nie te wel voel nie, kom kyk deur die rits Lennon’s-botteltjies of die pakkies bossie- en kruiemedisyne. Knysnastraat 56. 044 923 1080
• Picture This El-anne Smith en Jayne Saayman se dekorwinkel, langs Sophie’s Choice. Knysnastraat 044 923 1070
• Bonato Art & Crafts Hier is breigoed te kry – sybokhaar en merinowol, sulke dinge – asook sybokhaarserpe, komberse, sokkies, musse en teemusse. En dan handwerkprodukte en tuisgemaakte beskuit en konfyt. Knysnastraat 41. 044 923 1077 of 072 756 2226
• Willow Limo Ry met ’n donkiekar deur die dorp en verkyk jou aan die netjiese huise en skoon strate. Jy betaal R20 p.p. (R10 vir kinders o.12) en R5 vir foto’s. En as
die kinders die donkies wil kosgee, is dit R5. Die donkiehalte is in Knysnastraat, net buite Bonato Art & Crafts.
• Sophie’s Choice ’n Instelling op die dorp. Antiekware, boeke, eetgoed. Goeie koffie. Alles die breinkind van Sophia van der Merwe. Knysnastraat. 044 923 1117 of 073 140 5630 sophieschoice.co.za
Sophie’s Choice Coffee Shop and Antiques
• Belly Deli Pepi van der Merwe se nuutste projek: Uitsoekwyne, kouevleise en charcuterie, ingemaakte produkte. Knysnastraat. 044 923 1070 of 076 083 6357
• Lapidaria-gastehuis ’n Statige ou huis aan die rand van die dorp waar dit stil is. 044 956 1009 of 071 472 5877 lapidaria.co.za
lapidaria.willowmore@gmail.com
• The Old Jail Kom slaap oor in die selle... Nee, hulle is darem omskep in drie elegante gastekamers met lugreëling, goeie linne en ’n private binnehof met sonstoele en sambrele. ( Klink verbasend baie soos ’n moderne tronk. – Reds.) Ook selfsorg.
044 923 1076 of 076 792 0622 karen @theoldjail.co.za theoldjail.co.za
• Toerismeburo Knysnastraat. 044 923 1702 of 083 420 5434 info@baviaans.co.za