Kyk, doen, eet en slaap
UNIONDALE
• Skoonheidsentrum Moenie jou deur die naam laat mislei nie – dis maar wat Dirkie en Thea Coetzee geërf het. Hier kry jy skryfbehoeftes, apteekgoed... en die beste tuisgebak. En die Coetzees bak alles self. Voortrekkerstraat. 044 752 1430
• Die Watermeul-restaurant-en-galery Die beste eetplek op die dorp, hoor jy by die locals. En jy word nie teleurgestel nie. Robert en Adéle Verwoerdt is elke aand op hulle pos, of daar besprekings is of nie.
082 497 7942
• 7 at Grey-gastehuis Bespreek die kothuis in die tuin. Binne wag ’n gerieflike kamer en Henriëtte du Plessis los vir jou heerlike ontbytsnoepgoed in die yskas. En soggens kom groet Chanel, die golden retriever, en Mischka, die skaaphond, jou by die deur. Greystraat. 072 504 1135 • Cracklin Rosy-restaurant-en-wegneemplek Dié eetplek is al 29 jaar hier. Die bordjie buite sê jy kry hier steak, burgers, brekfis, geroosterde toebroodjies, koek, tee, yskoue bier, pizza, koffie, wyn en handwerk. Voortrekkerstraat 23. 044 752 1382 of 084 312 6068
• Penny Lane-geskenkwinkel-en
teetuin Kom in en snuffel. En doen jouself ’n guns en koop van Sandra van Vuuren se “Lelik maar lekker”-koekies. Voortrekkerstraat. 076 614 3620
• Arms & Ammo + Blue Yonder + Flash
Cash Jip, dis ’n vuurwapen- en geskenkwinkel en ’n kontantleningsplek. En in die kelder wys Ria Ferreira vir jou die 1 500 karretjies wat Abrie van der Merwe oor die afgelope 10 jaar versamel het. Voortrekkerstraat. 044 752 1333 of 083 449 7888
• Uniondale-toerisme Ou Royal-hotel, Voortrekkerstraat. uniondale.co.za
044 752 1266
** Die Karoo to Coast- bergfietsresies spring vanjaar op 20 September op Uniondale weg en die Trans-baviaans is in Augustus 2016.
karootocoast.com transbaviaans.co.za