KYK BLOMME SOOS ’N BOTANIS
Is jy een van daardie mense wat dadelik die kar pak wanneer jy hoor van ’n lenteblomskouspel, maar jy kan om die dood nie al die blomname onthou nie? Die gewilde gids Photo Guide to the Wildflowers of South Africa met foto’s en stap-vir-stap identifikasie van meer as 900 Suid-afrikaanse veldblomme in SuidAfrika, Lesotho, Swaziland en Namibië is nou as ’n app vir jou iphone, ipad of ipod beskikbaar. (Die Android-weergawe sal later vanjaar beskikbaar wees.)
As jy in die veld staan, ’n blom sien en kopkrap oor sy naam of sommer net nuuskierig is oor wat hom besonders maak, kies jy eenvoudig die blomkleur, die maand, en die streek waar jy jou bevind (Grasvlakte, Savanne, Fynbos of Namakwaland). ’n Kortlys van moontlike spesies sal op jou skerm verskyn met pragtige foto’s en verspreidingskaarte wat dit nóg makliker maak om die blom te identifiseer.
By elke blomspesie word plantname in verskillende tale verskaf (ook Afrikaans), plus ’n beskrywing van die spesie, blomtyd, habitat en ’n interessante feit of twee.
Die blomspesies wat jy in die veld geïdentifiseer het, kan ook outomaties met behulp van jou foon se GPS in die app gemerk word. En as jy die app eers geïnstalleer het, het jy nie weer ’n internetverbinding nodig om dit te gebruik nie. Boonop word die app gereeld (en gratis) bygewerk. R370 in die App Store.
Sunbirdimages
Prys Kontak