Platteland-werksessies Kaasmaak op Harties en broodbak in Bloem

In September was ons lesers fluks by die vak én die bak: Eers het ons op Hartbeespoort gaan leer hoe om feta en mozzarella te maak, waarna ons die volgende week in Bloemfontein gaan bak het: croissants, panini’s en foccacia’s.

Annelien Pienaar het geen bekendstelling nodig aan Platteland se lesers nie: Sy het al ’n broodbakkursus aangebied én lesers in die Kaap touwys gemaak oor die kuns van kaasmaak. Nou het sy haar kaasmaakkursus herhaal by Van Gaalen’s Kaasmakerij in Skeerpoort, Hartbeespoort. Die kursusgangers was lekker paraat met die melkpotte en termometers, maar kon darem ook tussendeur kuier én aansit vir ’n heerlike middagete wat Annelien self gemaak het: Ja, reg geraai, onder meer brood en kaas!

In Bloemfontein was dit ’n lieflike lentedag toe 28 lesers van heinde en ver – tot so ver as Cradock, Pretoria en Heroldsbaai in die Kaap! – saamgetrek het vir Marcelle Botha se gevorderdebroodkursus. Ook Marcelle is ’n ou hand en bekende hier by Platteland, en die lesers het weer eens aan haar lippe gehang... en toe spat die meel. Marcelle het aan die kursusgangers ’n heerlike middagete voorgesit wat alles uit haar eie kombuis kom.

AGTER, VAN LINKS Hendrik en Elizma Crafford van Bloemfontein, Lize-mari Lombard, Cathy Moolman en Marie Janse van Rensburg, al drie van Cradock, Jenny en Ann Burnett van Westminster, René van Buuren en Marcelle Botha (aanbieder), albei van Bloemfontein, Ann Janse van Rensburg van Johannesburg, en Amanda Fitschen en Irene Swanepoel, albei van Smithfield. DERDE RY Essie Schreuder van Koffiefontein, Linda de Klerk van Kroonstad, Joan Adendorff van Bloemfontein ( ja, sy was die vorige week ook by Hartbeespoort vir die kaasmaakkursus!), Elzette de Beer van Pretoria, Madeleine du Preez van Stilfontein, Leelah Zaayman en Rosa de Bruin van AliwalNoord, en Susan Jewell van Smithfield. TWEEDE RY Anine Muller van Frankfort, Frikkie Pretorius van Pretoria, Melissa Koch en De la Rey du Preez van Pretoria, Bertus Janse van Rensburg van Johannesburg, Maggie Bodenstein van Heroldsbaai en Telana Botha van Bloemfontein. VOOR Almarie Pienaar en Magda Fourie van Bloemfontein, Lizane Odendal van Petrusburg en Joan Ferreira van Bloemfontein.

AGTER, VAN LINKS Yvette en Jurgens de Jager van Linden, Tersia Oosthuizen van Brits, Flip de Jager van Roodepoort, Jacomie Oosthuizen van Hartbeespoort, Coert Steenberg van Witbank, Alta Strydom van Parys, Marita Annandale van Naboomspruit, Wim Wasserman van Pretoria, Anse en Allan Peckham van Roodepoort, Nelia de Beer en Johan Erasmus van Johannesburg, Annelien Pienaar (aanbieder) van Hartbeespoort, Christelle Guse van Ermelo, Claudine Verster van Heidelberg, Antoinette Lötter van Centurion, Breggie en Gerhardus Pretorius van Pretoria, Annaretha Fourie van Secunda, Annette Human van Krugersdorp, Gerda en Bianca O’neill van Rustenburg, en Hettie Bezuidenhout en Willanna Goosen, albei van Pretoria. VOOR Sarie Haasbroek en Alta Knoetze van Hartbeespoort, Anel Pretorius van Naboomspruit, Nandi van Wyk van Sandton, Marinda Pretorius van Naboomspruit, Joan Adendorff van Bloemfontein, Jané Marais van Kempton Park, Nadia Pretorius van Pretoria, Daleen Lombard van Centurion en Orna Roux van Lichtenburg.

ONDER Vir feta moet ’n mens wakker slaap: Jy moet nie net die temperatuur van die water in die onderste pot én dié van die melk bo fyn dophou nie; die horlosie vra ook jou aandag.

BO Melissa Koch en De la Rey du Preez het nog voor hanekraai uit Pretoria gery om te kom bak, en hulle het goed kopgehou toe die croissantdeeg uitgerol moes word. Ja, dit was ’n jolige affêre!

REGS Die boekies was die heeltyd byderhand – met ’n pen daarby vir ’n paar aantekeninge.

LINKS Só moet ’n croissant lyk: bruin en bros buiteom met fyn lagies binne.

BO Kursusgangers het nie self donuts gemaak nie, maar Marcelle het gewys hoe ’n mens te werk gaan, waarna haar suster, Sunita Keyser, ook van Bloemfontein, ’n hele bak vol gebraai het sodat almal ná ete iets soets kon geniet.

BO Jip, dié paninideeg is reg, sê Marcelle. Rosa de Bruin mag maar...