Eet, drink, wees plesierig!
Doen, drentel, koop
Algemene Handelaar
In dié netjiese winkel kry jy basiese kruideniersware – die topverkopers is Boxertabak, brood... en Chappies! Die vriendelike Thabitha Makuwa is elke dag van 08:30 tot 17:30 op haar pos.
Kontak 078 425 7516 adele@thethirstywalrus.co.za
The Cheese Shop
Hierdie is die tuiste van Tanja Camacho wat konfyte, piekels, kaasborde, rissiesmere, kaaskoek, koffie, viltprodukte en snuisterye verkoop. As jy verbyry, sien jy haar dalk tuin natgooi. ( En sy sal waarskynlik vir jou wuif. – Reds.) G’n wonder dis so ’n lushof nie. Kontak 072 731 8134 tonteldooscheeseandyarn@gmail.com
Flintlock Grange
Kom doen ’n kursus by Helen en Francois Malherbe – daar’s enigiets van charcuterie en fotografie tot sjokolademaak en byeboerdery. Helen reël kenners wat die kursusse kom aanbied en sorg ook vir verblyf en alle etes. Hou Platteland se dagboekblaaie (bl. 15) dop vir datums.
Kontak 082 259 3496 malher@absamail.co.za
Jas Venter (Mampoer)
Jas boer met ’n troppie skaap en ’n klompie beeste, maar hy’s ook Tonteldoos se enigste mampoermaker. Hy stook omtrent elke denkbare vrug en verkoop dit dan as skoon mampoer óf gebruik dit as basis vir 17 likeursoorte. Jas verkies ’n flouer mampoer met ’n alkoholinhoud van 2530%, want “jy proe hom beter – en jy wil nie mense die skrik op die lyf jaag met so ’n vreeslike sterk ding nie”. Sy produkte is oral op die dorp te koop – gaan kyk (en proe) by Highside, The Cheese Shop en natuurlik The Thirsty Walrus.
Kontak 072 203 5714
The Thirsty Walrus Selfs al is jy nie ’n drinker nie, kan jy gerus kom kyk na dié winkel met sy gawe stoep, netjiese houtrakke en interessante bordjies. Hulle is reg langs die Algemene Handelaar en daagliks oop van 09:00 tot 17:30 (Sondae van 11:00 tot 12:00). Hier’s ook ’n taverne wat Saterdae van 17:00 tot laat en Sondae van 12:00 tot 18:00 oop is.
Kontak 078 425 7516 adele@thethirstywalrus.co.za Ma, ek is honger! The Cat & The Cow-koffiewinkel
Margaret Sloane en Adele van der Berg maak in dié houthuis skuins oorkant The Cheese Shop kos van hoofsaaklik plaaslike organiese bestanddele. Sit op die stoep en geniet ’n geroosterde toebroodjie terwyl jy kyk hoe die koeie tussen die karre wei. En, kan ons rapporteer, Margaret se seun, Scotty, maak ’n puik cappuccino! Hulle verkoop ook ingemaakte en gedroogde produkte én het ’n deel waar jy gepamperlang kan word met ’n masseersessie, refleksologie, voetof gesigsbehandeling.
Kontak 083 445 5037 of 078 425 7516 adele@thethirstywalrus.co.za
High-side Tavern Hierdie is nie ’n gewone eetplek nie: Hulle hou enigiets van begrafnisse en sestigste verjaardagpartytjies tot vergaderings van die Fire Protection Agency. En op Woensdae kom eet die hele gemeenskap burgers teen ’n afslagprys. ( Platteland kan getuig dat dit puik burgers is, met tuisgemaakte patties en bolae te kus en keur.) Maandae en Dinsdae is hulle toe, sê Peter Mcbride, die eienaar, “want dan is Tonteldoos ’n begraafplaas”.
Kontak 082 867 4347 Blyplek Riverman Cabin As jy ’n romantiese trouplek soek, is hierdie die antwoord: Hier’s ’n restaurant, oorgenoeg slaapplek vir die gaste, én ’n kapelletjie wat spesiaal vir dié doel gebou is. Die jong egpaar wat die septer hier swaai, het selfs ’n perdekar en twee donkies wat hom trek. En as jy nie in die mark is vir trou nie, kan jy sommer net kom lekker eet aan Percy se tuisgemaakte kos of ’n forel uittrek.
Kontak 013 285 0155 of 083 393 3521 ( Whatsapp maar, want die selfoonontvangs is nie watwonders nie.) riverman@ctecg. co.za rivermancabin.co.za Woolly Bugger Jono Yearsly se ma, Angela Muller, behartig die besprekings van die vier lieflike kliphuisies wat uitkyk oor die twee foreldamme. Jy kan gaan lyn natmaak en kry ook gratis braaihout. En honde is welkom! Stap (of ry met jou 4x4) teen sonsondergang na die Top of the Worldrots toe. Jy sal nie spyt wees nie. Kontak 076 556 1345 of 076 366 2685
Kevin en Dawn Klopper en hulle seun, Ross, ontvang gaste van reg oor die wêreld hier op hulle plaas. Kevin is ook ’n mesmaker en lid van ’n mesklub, en met Platteland se besoek het hulle pas ’n naweek agter die rug gehad waarin die manne messe gesels en uitruil. Kontak 072 478 5596 Highlands Country-lodge
Die spook het gewyk, wat beteken van jou stoepie af het jy die uitsig vir jouself. Dit kos R700 vir 2 mense – en jy kan kies of jy in een van die selfsorgeenhede wil bly en of jy ’n blyplek soek met alle etes ingesluit. Dit kos dieselfde.
Kontak 083 375 0392 Pendle Hill Estate Blyplek óp die “dorp”! Kom klop aan by Tanja Camacho en bly waar daar vroeër kaas gemaak is. Dit kos R340 p.p.p.n. Kontak 072 731 8134 pendlehillestate@gmail.com Remi-lodge
Dié luukse selfsorgplek het vier en suiteslaapkamers en ’n goedtoegeruste kombuis. Die oopplanleefeneetkamer spog met ’n kaggel vir daardie koue dae, en van die stoep af kyk jy uit oor drie foreldamme. Hier’s ook braaigeriewe en die volle Dstvpakket.
Kontak https://www.dullstroom reservations.co.za/venues/remilodge Remi Lodge Dullstroom 013 254 0254