Eet, drink, wees plesierig!
Doen, drentel, koop Niksdoen is koning
Die omgewing, vernaam die berge en passe en die oorverdowende stilte, is werklik skilderagtig-salig. Behalwe om jou hieraan te vergaap is Geluksburg een van daardie plekke waar die tyd vir alle praktiese doeleindes stilstaan en jy kan oefen om so min as moontlik te doen.
Onthou om alles saam te bring wat jy nodig het, want hier is geen kitsbanke of petrol nie en Hansa’s Trading Store (wat gesluit was tydens Platteland se besoek) en sy piepklein kiosk verkoop slegs allerbasiese produkte soos koeldrank, rakmelk en twak. Daar is ook iets tussen ’n sjebien en ’n kroeg met ’n paar droewige geeste wat buite vir kwaadgeld rondsit.
Besoek die slagvelde in die omgewing
Geluksburg is naby verskeie Anglo-boere- oorlogslagvelde soos Ladysmith, Spioenkop en Colenso. Lees meer op die webwerf
battlefieldsregionguides.co.za.
Kyk voëls of laat die adrenalien bruis
Sowat 134 voëlspesies – van kroon- en witkruisarende tot skaars paradysvoëls – is al in die omgewing aangeteken.
Vir die adrenalienverslaafdes is daar ’n magdom mooi passe en viertrek-, stap-, bergfiets-, motorfiets- en quadfietsroetes. Gesels gerus met Geoff Lake van Gina’s Selfcatering vir begeleide toere of wenke.
Ma, ek is honger! K’s Coffee Shop
As Kay Thorne tuis is en proviand het, kan jy tussen 10:00 en 16:00 in Hoofstraat aanklop vir ’n ligte middagete, soetgebak en iets te drinke. Ons yskaskaaskoek en ystee was uit die boeke en boonop spotgoedkoop. Kontak 036 448 2200 of 073 211 8932
Blyplek The Homestead
Platteland het in Hoofstraat oornag in een van die 26 kamers by Pennie Human se driesteroord, wat ook troues en konferensies aanbied. Ontbyt is ingesluit, maar jy moet bespreek vir aandete – ons kon soveel
beesvleis, wortels, beet, piekeluie, gebraaide aartappels, koolgebak, slaaie en yorkshirepoeding skep as wat ons wou hê! Kontak thehomestead.co.za info@thehomestead.co.za 084 862 6815 of 036 448 1328
Gina’s Selfcatering
By Ina en Geoff Lake se plek kan jy kamp of in chalets of moderne Zoeloehutte oornag. Jy kan ook vooraf etes bespreek, hulle bied allerlei toere( vir vier trek-ens port nut svoertuie, bakkie sen qua d fietse) aan, en as jy dalk ’n ogie het op ’n eiendom, kan Ina, die dorp se eiendomsagent, jou help.
Kontak ginas.co.za ginageluk@ mweb.co.za 084 583 1596 (Ina) of 083 675 1450 (Geoff)
Marmalade Cottage
Daar is slaapplek vir tot agt mense in dié gemaklike drie slaapkamers elf sorg huis wat Phil en Ann Rooke verhuur. Die huis het twee badkamers, ruim onderdakstoepe, ’n binnekaggel, speletjieskamer én ’n netjiese braaiplek. Kontak marmaladecottage.co.za prooke@yebo.co.za 036 448 1803 of 072 242 3037