Hier­mee het ons ge­ry

Ford Ku­ga 2.0 TDCI Ti­ta­ni­um Po­wers­hift AWD

Weg! Platteland - - My Dorp -

Die Ford Ku­ga was nog al­tyd ’n lek­ker kar, en ons is bly hy kon ná ’n jaar van ne­ga­tie­we pu­bli­si­teit sy kop op­lig.

Ons het met die op­ge­kik­ker­de Ku­ga uit Jo­han­nes­burg Ton­tel­doos toe ge­ry, van daar af na Roos­se­ne­kal toe ge­mik vir die Geel­vark­oor­fees (sien bl. 140), waar­na ons eers in T­ha­ba­zim­bi se rig­ting ge­ry het (hou die Win­ter 2018-uit­ga­we dop!) en uit­ein­de­lik koers ge­kies Vry­staat toe om met die Du Plooy-broers te ge­sels oor die je­ne­wer, vod­ka en rum wat hul­le daar op die vlak­tes langs die Vaal­dam maak (lees dié sto­rie op bl. 80).

Ons het teer­pad (som­mi­ge met er­ge slag­ga­te, ver­al daar by Gro­blers­dal rond!), snel­weg, grond­pad én plaas­pad ge­ry, en dié heer­lik kom­pak­te mo­tor met sy al­le- wiel­aan­dry­wing het hom o­ral puik ge­dra. Al was hy la­ter on­der ’n dik laag stof, het

Plat­te­land oor die he­le 2 000 km soos ko­nings ge­voel met al die luuks­he­de: ’n Puik klank­stel­sel, sa­tel­liet­na­vi­ga­sie, e­lek­trie­se rui­te, e­lek­tro­nie­se hand­rem, Blu­e­tooth... en slim spoed­be­heer wat die ly­ne op die pad “lees” en ook an­der voer­tuie voor jou “sien” – en van­self rem en ver­snel vol­gens hul­le spoed. En dan, daai knop­pie wat jy druk om die ba­ga­sie­bak (groot ge­noeg vir baie ba­ga­sie en in­ko­pies) oop en toe te maak.

Teen net meer as R500 000 kry jy ’n voer­tuig wat kan kers vas­hou by veel groter en duur­der kar­re.

Plat­te­land be­dank Ford Suid-a­fri­ka vir die ge­bruik van dié ga­we ry­ding.

Newspapers in Afrikaans

Newspapers from South Africa

© PressReader. All rights reserved.