Bros spesery-aartappels
Bakaartappels kry sommer ’n nuwe baadjie met bros speserye en ’n heerlike koel jogurtsous.
Genoeg vir 6 Bereidingstyd 10 minute Gaarmaaktyd 40 minute
JY BENODIG
• 500 g groot wasagtige aartappels • 6 eetlepels (90 ml) avokado- of
sonneblomolie • 6 knoffelhuisies, in dun skyfies gesny • gerasperde skil van 1 suurlemoen • 1 eetlepel (15 ml) komynsaad • 1 eetlepel (15 ml) droë rissievlokkies • 1 eetlepel (15 ml) swartpeper
VIR DIE BORRIEJOGURTSOUS • 1 koppie (250 ml) Griekse jogurt • 2 eetlepels (30 ml) olyfolie • 1 stuk vars borrie van 3 cm, fyngerasper (of gebruik ½ teelepel – 2,5 ml – droë borrie)
SÓ MAAK JY
Verhit die oond tot 200 ºc. Sny die aartappels in die lengte in kwarte en kook dit vir 10 minute totdat dit net-net begin gaar word. Dreineer dit deeglik en rangskik dit op ’n bakplaat. Sprinkel 4 eetlepels (60 ml) olie oor die aartappels en bak dit vir 30 minute tot dit bruin en bros is – draai dit halfpaddeur om.
Maak die borriejogurtsous deur al die bestanddele daarvoor saam te meng. Geur dit na smaak met sout en varsgemaalde swartpeper.
Sprinkel die orige 2 eetlepels (30 ml) olie, knoffel, suurlemoenskil, komynsaad, rissievlokkies en swartpeper oor die aartappels en rooster dit vir nog 5-10 minute tot dit mooi bros en geurig is. Roer dit halfpad deur. Sit die warm aartappels voor met die borriejogurtsous daarby. >