Kyk, doen, eet en slaap
BLYPLEK
Daar is baie blyplek op Port Nolloth en die aangrensende Mcdougallsbaai. Hier is drie netjiese plekke wat ons oog getref het en naby die strand is.
Voetbaai-gastehuis
Twee selfsorgchalets reg teenaan ’n klein en stil baai waar vissermanne hulle bote die see laat ingaan. Hier is lekker stoepe om op te kuier en ’n pragtige uitsig oor die see.
voetbaai.com
Sunset Lagoon
Vier baie netjiese en goed toegeruste selfsorgwoonstelle net ’n klipgooi van die strand af. Ook stapafstand van Voetbaai. Elkeen met ’n lekker binnebraai.
sunsetlagoon.business.site
The Beach House
’n Mooi ou gerestoureerde huis uit die laat 1800’s met ’n wonderlike stoep reg rondom die huis en wye uitsigte oor die see en Port Nolloth se hawe.
portnollothbeachhouse.co.za
EETPLEK Nemo’s
Baie lekker seekos met ’n uitsig oor die see en hawe. Hulle is Maandae tot Saterdae oop van 09:00 tot 20:00 en Sondae van 09:00 tot 15:00.
079 717 1781
Vespetti
Hier kry jy lekker seekos en ook pizzas. Jy kan op die stoep sit en oor die see en hawe uitkyk. Die restaurant het nie ’n dranklisensie nie, maar jy mag jou eie drankies saambring. Hulle is Maandae tot Saterdae oop van 10:00 tot 21:00 en Sondae van 10:00 tot 15:00.
027 851 7843 Vespetti Port Nolloth
Port Fisheries
Van die beste wegneem-vis-en-tjips in die land. Hulle is Maandae tot Saterdae oop van 09:30 tot 18:00.
027 851 7733
Aukwatowa-museum
Dit is regtig die moeite werd om hier ’n draai te maak en na die ouddiamantduiker George Moyses se stories te luister. Hier is ook baie ander interessanthede oor die omgewing. Die museum is in Strandstraat en daagliks oop van 10:00 tot 17:00. 027 851 8350