BYEWAS-KLEEFDOEK
BESTANDDELE Duursame, suiwer organiese katoen wat lank hou; ongebleikte, plaaslike byewas met antibakteriese eienskappe; basdenhars ( Pinus eliottii, ’n kategorie 2-indringer in Suid-afrika) wat natuurlik klewerig is en die doek buigsaam maak; en ’n oordragolie (meestal olyf- of klapperolie) wat al die bestanddele saambind.
KLEURSEL Dit was Keith se idee om die katoenlappe op die tradisionele manier – met die hand en met natuurlike plantaardige kleursels – te kleur. Vir die geel kleefdoeke word borrie gebruik, terwyl ’n mengsel van bruin- en rooiuieskille sorg vir die brooddoeke se bruin skakering, wat elke keer effens anders is.
VOORDELE Dit is ’n eeue oue natuurlike alternatief vir kleefplastiek en die antibakteriese eienskappe van byewas sorg dat die kos langer hou. Jy kan ’n toebroodjie, brood, kaas, vrugte, groente of vars kruie net so daarin toedraai of dit soos kleefplastiek gebruik om ’n bak kos te bedek. Die hitte van jou hande help om die doek te vorm en volkome te seël. NADELE Jy kan dit nie vir rou vleis gebruik nie.
HOE LANK HOU DIT? Met daaglikse gebruik – en mits jy dit reg versorg – sal dit vir minstens ’n jaar hou. Daarna kan jy die doek net so op jou komposhoop gooi of as ’n vuuraansteker gebruik.
HOE MAAK JY DIT SKOON? Vee enige krummels en kos af, was dit met die hand in flou seperige (kóúe) water, laat dit op p die droograk g droog g word en gebruik g dit weer. Enige vorm van hitte (of warm water)w is taboe!