Ek kyk nou anders na spinnekoppe
Ek blaai in die vakansie, so met die leeglê, weer deur my Platteland van Herfs 2019 en lees die artikel oor Spinnekoppe (bl. 73).
Dit is ’n pragtige artikel met die mooiste foto’s. Daar is soveel interessante feite, ek het dit dadelik vir my man en dogter ook gegee om te lees. Ek en my gesin sal van nou af seker maak ons spuit nie onnodig gif nie; die opmerking oor insekgif wat ’n spinnekop onnodig lank laat ly, was baie insiggewend.
Ek het altyd groot spinnekoppe versigtig uitgeneem, maar om die een of ander rede is langbeenspinnekoppe sommer met die stofsuier opgesuig. Jammer, dit is ’n groot fout! Van nou af sal elke enetjie versigtig hanteer word.
Dankie vir die uitstekende en leersame artikel. Yolanda Burger, BOKSBURG