Kaapse Camino kry nóg twee bene

Die Cape Camino-pelgrimsroete, opgedeel in vier stukke wat uiteindelik sowat 850 km sal beslaan, bestaan reeds sedert 2015 toe die vierde deel, die sirkelroete van 160 km in die Kaapse Skiereiland, bekend gestel is. Nou het die heel eerste groep pelgrims die eerste en tweede deel van altesame 222 km, onderskeidelik bekend as die Limietberg- en Bergrivierseksie, voltooi en Platteland het saam met hulle middagete geniet by Die Rooi Granaat op Aurora toe hulle klaarmaak. Maak ’n draai op die webwerf om uit te vind hoe jy die roete op spesifieke datums in ’n groep of op jou eie kan stap.

Kyk gerus ’n kort Youtube-video oor die bekendstelling van seksie 1 en 2 wat een van die stappers, die Nederlander Sandra Korse, gemaak het. Tik “Cape Camino launch of sections 1&2” in by

youtube.com.

KONTAK capecamino.co.za peggy@capecamino.co.za of gabrielle@capecamino.co.za 083 997 7404 (Peggy) of 084 844 7996 (Gabrielle)

Heel agter is Peggy Coetzee-andrew van Kaapstad en haar ma, Gabrielle Andrew van Hopefield, wat die bestuur en bemarking van die Cape Camino behartig. By hulle is die eerste groep pelgrims wat die Limietberg- en Bergrivier-seksie voltooi het: Van links is Lee Zoeller van Kalkbaai, Jolene Nell van Windhoek, Sandra Korse van Nederland, Colin Gale van Nuweland, Naadir Vorajee van Durban en Chantel Barnard, Lee se verloofde, ook van Kalkbaai.