Dinge vir jou dagboek
WES-KAAP Spiritfest, Swellendam 58 MAART
Joga, dans, meditasie en samesyn wag by dié fees van die gees – alles in die mooi Overbergse natuurskoon.
Waar? Somerset Gift, Sparreboschpad. Tyd Donderdag vanaf 14:00. Prys Verskeie opsies vir dagof naweekbesoekers, met of sonder verblyf – gaan kyk gerus by webtickets.co.za.
Kontak spiritfest.co.za
WES-KAAP Ambeloui-oesfees, Houtbaai 14 MAART
Ons het in Platteland #22 (Herfs 2019) geskryf oor die Christodoulou-gesin van Houtbaai en die voortreflike MCC wat hulle maak. Nou is dit weer tyd vir hulle jaarlikse oesfees waar jy vonkelwyn per glas (of bottel of boks), heerlike Griekse souvlaki oor die kole en allerlei Griekse peuselhappies kan koop – gaar óf bevrore.
Waar? Ambeloui-wynplaas, Valleyweg 4075, Houtbaai. Tyd 11:00-18:00.
Kontak ambeloui.co.za wine@ambeloui.co.za
WES-KAAP Plaasfees, Durbanville 14 MAART
Ervaar die plesiere van die plaaslewe – van plaasdiere en -kos, trekkers en musiekmakers, ’n draadkar-grandprix tot meer as 100 stalletjies en vermaak vir die kinders. Op hulle Facebookblad kan jy al die nuutste inligting kry.
Waar? Meerendal, Vissershokweg, Durbanville. Tyd 09:00-17:00
Prys R70 p.p. (R30 vir kinders van 2-18) by Computicket.
Kontak durbanvilleplaasfees. co.za Durbanville Plaasfees
082 376 3236
WES-KAAP SA Kaasfees, Stellenbosch 2527 APRIL
Proe die voortreflikste Suid-afrikaanse en internasionale kase, topdrinkgoed (wyn, bier, jenewer...) en veel meer by dié gewilde fees wat vanjaar die 19de keer en boonop oor die Vryheidsdaglangnaweek gehou word.
Waar? Sandringham, langs die N1 (afrit nr. 39). Tyd 10:00-18:00.
Prys R240 p.p.p.d. (R200 vir pensioenarisse; R20 vir kinders 2-13) by Computicket. Géén kaartjies sal by die hek verkoop word nie. Kontak cheesefestival.co.za
WES-KAAP Geurfees, Groot-brakrivier & Friemersheim 14 MAART 2020
Loer in by al die lekker aftrek-, kuier- en koopplekke langs die 40 km lange Geurroete tussen Groot-brakrivier en Friemersheim. Die hele program is op die Proe Mosselbaai-webwerf, of lees ons storie oor die roete in die Somer 2019-’20-uitgawe.
Kontak proemb.co.za nelmar@vodamail.co.za (Nelma Ruschioni)
MPUMALANGA Wakkerstroom-musiekfees 2022 MAART
Die program van dié jaarlikse klassiekemusiekfees met barok-, kamer- en jazzmusiekoptredes is weer boordens toe vol trooskos vir die ore. Volledige program op die webwerf en Facebookblad.
Waar? Verskeie plekke op en om die dorp. Kontak wmfestival.co.za Wakkerstroom Music Festival
WES-KAAP Grootpampoenfees, Heidelberg 27 & 28 MAART
Daar’s die soektog na Suidafrika se grootste pampoen, maar drawwers, bergfietsryers, gholfspelers, musiekliefhebbers, smulpape en marksnuffelaars kan ook maar nader staan! Waar? Heidelberg-skouterrein.
Kontak pumpkinfestival.co.za
MPUMALANGA Boer & Brit-dag, Val 28 MAART
Die “whiskytrein”-voorval van 1900 word weer uitgespeel, gevolg deur grootskaalse vrolikheid soos net dié dorpie kan. Lees ons storie op bl. 54.
Kontak valhotel.co.za 082 550 5540
GAUTENG Herfstuinskou, Midrand 35 APRIL
’n Plesierige uitstappie vir die hele gesin is gewaarborg met onder meer gratis praatjies en demonstrasies, stalletjies waar jy die nuutste plante, handwerk, tuingoed, kos en drankies kan koop, ’n labirinttuin om te verken en klimrame en ponieritte vir die kleingoed. Waar? The Herb Farm, Summitweg 264 (R562), Bridle Park. Tyd 09:00-17:00.
Prys R20-70 p.p. op die webwerf webtickets.co.za (alles is R10 duurder by die hek). Kontak gardenshow.co.za
WES-KAAP Gifberg-spookfees, Vanrhynsdorp 35 APRIL
Slegs 200 kaartjies is te koop vir dié Namakwalandse musiekfees waar onder andere Koos Kombuis, Abel Kraamsaal en Glaskas optree. ’n Kontantkroeg en kos is beskikbaar. Vat ’n tent en kampgoed, swemklere en stapskoene saam.
Waar? Gifberg Holiday Farm, 30 km buite Vanrhynsdorp.
Tyd Vrydag 10:00 tot Sondag 13:00.
Prys R750 p.p. (kampplek ingesluit) by quicket.co.za.
Kontak Gifberg Spook Fees tweemusiek@gmail.com
GAUTENG Paasmark, Pretoria 11 APRIL
Oud en jonk, vroue en mans, en twee- én vierbeenkinders is welkom by die Irene Villagemark se spesiale Paasmark met die heerlikste musiek, kos, deliprodukte, kuns en handwerk. Die mark word ook op 7 en 28 Maart, 4 en 25 April en 2 en 30 Mei gehou. ’n Spesiale “Kersfees in Julie”-mark word vir 25 Julie beplan.
Waar? Big Red Barn, Nelsonweg 7, Olifantsfontein. Tyd 08:00-13:30.
Kontak irenemarket.co.za info@irenemarket.co.za 060 965 4894